‘કાવ્યવિશ્વ’ ~ ત્રણ વર્ષનું સરવૈયું

‘કાવ્યવિશ્વ’ ~ ત્રણ વર્ષનું સરવૈયું અને ચોથા વર્ષમાં પ્રવેશનો આનંદ

મિત્રો,

આપ સૌના સહકારથી ‘કાવ્યવિશ્વ’ આજે ત્રણ વર્ષ પૂરાં કરી ચોથા વર્ષમાં પ્રવેશે છે.

એ નિમિત્તે થોડીક વાત.

‘કાવ્યવિશ્વ’ પર રોજેરોજ એકથી વધુ નવી પોસ્ટ મુકાય છે. અનિવાર્ય સંજોગો સિવાય રજા રાખવામાં આવતી નથી.

ખૂબ આનંદ છે કે આ ત્રણ વર્ષ અને 1091 દિવસો દરમિયાન આજ સુધીમાં કુલ 2938 પોસ્ટ મુકાઈ છે. અંદાજે લગભગ રોજની ત્રણ પોસ્ટ ગણી શકાય.

‘કાવ્યવિશ્વ’ને આજ સુધીમાં કુલ 80,000 જેટલા વિઝિટર્સ અને કુલ 3,00,000 ત્રણ લાખ વ્યુઝ જેટલા પ્રાપ્ત થયા છે જે આપનો સાથ અને ‘કાવ્યવિશ્વ’નું ગૌરવ છે.

આ કાર્ય એકલે હાથે સંભાળું છું અને છતાં એ જ ઉત્સાહ જળવાઈ રહ્યો છે એનું કારણ મારો કાવ્ય માટેનો પ્રેમ તો ખરો જ અને આપ સૌનો આટલો સરસ મજાનો પ્રતિભાવ પણ છે.

આ ત્રણ વર્ષ દરમિયાન 2022માં વેબસાઇટને કસ્ટમ ડિઝાઇનમાંથી વર્ડપ્રેસમાં બદલવા માટે લગભગ બે મહિના જેવી રજા રાખવી પડી હતી, જે અનિવાર્ય હતું પરંતુ એનો અફસોસ જરૂર છે.

‘કાવ્યવિશ્વ’ને પ્રાપ્ત સન્માનો

1.ચિત્રલેખા દ્વારા પ્રગટ થતી ‘2021ના ગૌરવવંતા ગુજરાતીઓ’ની શ્રેણીમાં મને એટલે કે ‘કાવ્યવિશ્વ’ને સ્થાન મળ્યું. http://www.kavyavishva.com/?p=3148

2.ગુજરાત સાહિત્ય અકાદમીના અધ્યક્ષશ્રી ભાગ્યેશ જહા દ્વારા ‘કાવ્યવિશ્વની સફર’ વિડીયો મુલાકાત લેવાઈ અને તા. 6 ઓગસ્ટ 2022ના રોજ સાહિત્ય અકાદમીના ફેસબુક પેજ પરથી એનું પ્રસારણ થયું. 
http://www.kavyavishva.com/?p=3155‘

3. ડિઝિટલ ચંદરવા પર કવિતાનું પ્રતિષ્ઠાન કરતાં જાણીતાં કવયિત્રી સર્જક લતા હિરાણી’ ~ રમેશ તન્ના
લેખકના સંપાદિત પુસ્તક ‘સમાજની શ્રદ્ધા’માં – http://www.kavyavishva.com/?p=2069   

4. સુમન શાહ સંપાદિત સાહિત્યિક સંરસન Literary Consortium માં કાવ્યવિશ્વ અંગે લેખ
http://www.kavyavishva.com/?p=8134  

5. ‘કાવ્યવિશ્વ’ના પ્રાગટયની ‘નવગુજરાત સમય’, ‘ગુજરાત ટુ ડે’ અને સુરતના ‘અનન્ય સીટી’માં લેવાયેલી નોંધ :
‘કાવ્યવિશ્વ’ની સફર http://www.kavyavishva.com/?p=848  

‘કાવ્યવિશ્વ’ દ્વારા થયેલ કાર્યક્રમો

1.કવિ શ્રી ઉમાશંકર જોશી જન્મદિન નિમિત્તે ‘વ્યક્તિ મટી બનું વિશ્વમાનવી’ વિડીયો કાર્યક્રમ http://www.kavyavishva.com/?p=3221  

2. કવિ શ્રી હરીશ મીનાશ્રુને સાહિત્ય અકાદમી દ્વારા મળેલ એવોર્ડ નિમિત્તે એમનો વિડીયો કાર્યક્રમ  http://www.kavyavishva.com/?p=3142

3. ‘કાવ્યવિશ્વ’ના દ્વિતીય વર્ષમાં પ્રવેશ નિમિત્તે તા. 18.10.21ના રોજ અમદાવાદની એસ.એલ.યુ. કોલેજમાં વિદ્યાર્થિનીઓનું કાવ્યપઠન કાર્યક્રમ અને ભેટ – સર્ટિફિકેટની વહેંચણી  http://www.kavyavishva.com/?p=3131  

(બ્લ્યુ અક્ષરની લિન્ક પર ક્લિક કરતાં જે તે પોસ્ટ ખૂલી જશે)

‘કાવ્યવિશ્વ’ના વિભાગો વિશે ફરી એકવાર જોઈ લઈએ.

1.સંવાદ : આ વિભાગમાં મારી વાત અને કવિઓને મળતા એવોર્ડ સન્માનની વિગત મૂકું છું. (મને મોકલવામાં આવી હોય તે)

2. કાવ્ય : આ વિભાગમાં કાવ્યો, એના વિષે ટૂંકી નોંધ + કવિનો ફોટો અને ઓડિયો, વિડીયો સંગીત (પ્રાપ્ય હોય તે)   

3. અનુવાદ : પ્રશિષ્ટ કાવ્યોના અનુવાદ : જે ભાષામાંથી અનુવાદ થયો હોય એ ભાષાના કાવ્ય સાથે

4. આસ્વાદ : ઉત્તમ કાવ્યોના જાણીતા કવિઓ દ્વારા થયેલા લાંબા આસ્વાદો

5. સેતુ : કાવ્ય સંબંધી કે કવિઓ સંબંધી મહત્વની અને રસપ્રદ વાતો

6. સર્જક : કવિઓના વિગતવાર પરિચયો + ફોટો અને વિડીયો (પ્રાપ્ય હોય તે)

7. સ્વરૂપ : કાવ્ય સ્વરૂપો જેમ કે ગીત, ગઝલ, અછાંદસ, સોનેટ વગેરે સંબંધી લેખો

8. સંચય : જાણીતા કવિઓના હસ્તાક્ષર, એમના હસ્તાક્ષરોમાં લખાયેલા કાવ્યના ફોટાઓ

9. સાંપ્રત : તત્કાલીન પરિસ્થિતિને સંબંધીને લખાયેલા કાવ્યો જેમ કે કોરોના સંબંધી કાવ્યો

10. સંગ્રહ : કાવ્યસંગ્રહો વિષે માહિતી અગાઉ મુકાતી. હાલ આ વિભાગ બંધ કરવામાં આવેલ છે.

11. વિશેષ : કવિઓના જન્મદિવસો અને મૃત્યુદિનની એમની કાવ્યપંક્તિ સાથે નોંધ.

12. ઉપરાંત સૌથી ઉપર રોજેરોજ નવી કાવ્યપંક્તિ મૂકવામાં આવે છે.      

જો આપ મોબાઈલમાં ‘કાવ્યવિશ્વ’ જોતાં હો તો સૌથી ઉપર જમણી બાજુ ત્રણ નાની આડી લાઈન જોવા મળશે એના પર ક્લિક કરતાં બધા વિભાગોનું લિસ્ટ સામે આવશે જેમાંથી પસંદગીના વિભાગમાં આપ જઈ શકશો. આપને ‘કાવ્યવિશ્વ’ જોવામાં કોઈપણ તકલીફ પડે તો આપ મારો સંપર્ક કરી શકો છો.

આપ સૌનો આમ જ સાથ સહકાર મળતો રહેશે એવી અપેક્ષા.

~ લતા હિરાણી

સંપાદક ‘કાવ્યવિશ્વ’

9.10.2023