કવિ હરીશ મીનાશ્રુને સાહિત્ય અકાદમી એવોર્ડ

નમસ્કાર મિત્રો

‘કાવ્યવિશ્વ’ની ‘સર્જક સંગે’ શ્રેણીમાં આજે કવિ હરીશ મીનાશ્રુને આપણે ભાવપૂર્વક આવકારીએ છીએ. ગયા વર્ષે એમના કાવ્યસંગ્રહ ‘બનારસ ડાયરી’ને સાહિત્ય અકાદમીએ પોંખ્યો. આ વર્ષે એ પુરસ્કાર કવિ શ્રી યજ્ઞેશ દવેને મળે છે. બંને કવિઓને એ બદલ ખૂબ ખૂબ અભિનંદન. ગયે વરસે કાવ્યવિશ્વ હજી પાપા પગલી ભરતું હતું એટલે કોઈ નવો ઉપક્રમ રચવાની મારી તૈયારી નહોતી. હજીયે એ પ્રારંભિક તબક્કામાં જ છે પણ હવે એમ કહું કે એમાંથી શ્વાસ લેવાનો સમય મળ્યો છે તો આ કામ ઉપાડયું.

આમ બનારસ ડાયરી એ નિમિત્ત છે બાકી આપણે કવિના કાવ્યો પાસે જવાનું છે.  

તર્કને તોડી અમે તાવીજ કરવા નીકળ્યા

શબ્દથી પડવો, પૂનમ ને બીજ કરવા નીકળ્યા. 

આ છે કવિ હરીશ મીનાશ્રુ કે જેમણે ગીત, ગઝલ, અછાંદસ અને ગદ્યકાવ્યમાં આપણી પરંપરાને આત્મસાત કરીને પોતાનો આગવો અવાજ પ્રગટાવ્યો છે.

એક જુદા મિજાજના કવિ !

આ ઉપક્રમ કવિની કવિતા માણવાનો છે… 

તો મિત્રો નીચે આપેલા વિડિયોમાં 

ખાસ ‘કાવ્યવિશ્વ’ માટે કવિએ કરેલા એમના કાવ્યોનું પઠન, થોડી વાતો અને સાથે વાંચો

1. ‘સર્જક’ વિભાગમાં કવિ હરીશ મીનાશ્રુનો પરિચય લેખ
2. ‘કાવ્ય’ વિભાગમાં એમની કવિતા
3. ‘અનુવાદ ‘વિભાગમાં કવિની કવિતાનો અનુવાદ દિલિપ ઝવેરી દ્વારા

આ વિડીયો આજથી જ કાવ્યવિશ્વની યુટ્યુબ ચેનલ પર અને કાવ્યવિશ્વના ફેસબુક પેજ પર પણ ઉપલબ્ધ છે.

આટલો સરસ સહકાર આપવા બદલ કવિનો હૃદયપૂર્વક આભાર…..

લાગે છે આ કવિતાનો યુગ છે અને જુઓ કવિતાપ્રેમીઓનો કેવો મહેરામણ છલકાય છે ‘કાવ્યવિશ્વ’ પર !

માત્ર સવા વરસમાં વિઝિટનો આંકડો 41000થી ઉપર !!

પ્રિય ભાવકોનો પણ દિલથી આભાર અને વંદન.…  

‘કાવ્યવિશ્વ’ પર ભાવપૂર્વક આવકાર છે, કવિ હરીશ મીનાશ્રુનો.

સાંભળો કવિનું કાવ્યપઠન

OP 10.3.2022

*****

પ્રફુલ્લ પંડ્યા

21-03-2022

કવિશ્રી હરીશ મીનાશ્રુનુ઼ં કાવ્યપઠન સાંભળ્યું.એક જુદો જ અનુભવ થયો.” બનારસ ડાયરી” એ તો કમાલ કરી ! કવિતાની સાથે સાથે કબીરને સાક્ષાત કરી આપ્યાં.આખા બનારસની ખુશ્બુ દિલો- દિમાગમાં પ્રસરી ગઈ.અન્ય કાવ્યો પણ એટલાં જ ઉત્તમ અને અનેક રીતે વિશિષ્ટ ! સર્જકને સંગ આનંદનો મહાસાગર છલકાયો,લહેરાયો ! હરીશભાઈને હાર્દિક અભિનંદન અને ” કાવ્ય વિશ્વ” ને વંદન !

આભાર

12-03-2022

આભાર છબીલભાઈ, મેવાડાજી, રેખાબેન…

‘કાવ્યવિશ્વ’ની મુલાકાત લેનાર સૌ મિત્રોનો આભાર.

સાજ મેવાડા

11-03-2022

કલિ શ્રી હરીશ મીનાશ્રૃનો સાસાત્કાર કરાવવા બદલ લતાજી આપને અભિનંદન.

રેખાબેન bhatt

10-03-2022

આ વળી એક નવો લાભ… કાવ્યવિશ્વનો સુંદર ઉપક્રમ. કવિ શ્રી હરીશ મીનાશ્રુ નું કાવ્ય પઠન…. અદ્ભૂત 🌹🙏🙏

છબીલભાઈ ત્રિવેદી

10-03-2022

ઉમદા કવિ શ્રી હરીશ મિનાશ્રુ નુ કાવ્ય પઠન અને કાવ્ય ખુબજ સરસ. વિશાળ હદય ના માણસ ને સલામ આભાર લતાબેન