જગદીપ ઉપાધ્યાય – ઝાપટામાં ઝૂમી જવાશે તો * Jagdeep Upadhyay
ઝાપટામાં ઝૂમી જવાશે તો કહેશે સૌ ગલઢીએ ભાનસાન ખોયા,
સણસણતા વાગી મને આ ઉંમરે ચીડવો છો ? છાંટાઓ જાવ મારા રોયા !
પૂગવા દો ઘેર મને ભમરાળાવ ! ઠૂંઠાંને કૂંપળ ફૂટવાની છે થોડી ?
કોરાકટ બાગ મહીં જઇ પીટ્યા ! ભીંજવો કોઈ છોરાને વળગેલી છોડી,
ડૂબતાને ડૂબાડે, તરસ્યાને તરસાવે; અળવીતરા તમ શા ન જોયા !
ડોસા તસવીરમાંથી ઓછા છે દોડવાના? જુઓ કાં’ક ટાંણા – કટાંણા,
સાસુ મૂઈ ગઇ’તી માંડમાંડ જાતરાએ; તે દી’ નો શ્રાવણે ગુડાણાં?
ઇ’વેળા હું ય હતી કોળાતી ડાળખી, ઇ’ય હતા રંગ લીલમ છોયા !
~ જગદીપ ઉપાધ્યાય
કવિતા તો કવિતા જ પણ વિષયનેય ‘વાહ’ કહેવાઈ જાય એવી તેજસ્વી કલમ. લીલાછમ થવાના ભાવને વય ક્યાં નડે છે !! અભિવ્યક્તિને વય નડે છે ખરી……. ત્યારે આવી કવિતા આવા લોકોના મનને મોર બનાવી નચાવી જાય….
કાઠિયાવાડની ધીંગી બોલીના શબ્દો, ‘ગલઢી’, ‘ભમરાળાવ’ ‘ટાણાં-કટાંણા’, ‘ગુડાણાં’ જેવા શબ્દો કવિતામાં વાપરી શકાય ? વિચારીએ તો મનમાં ‘ના’ ઊગે ખરી ! પણ જુઓ અહીં કવિએ આવા જ શબ્દોથી કેવી રંગત જમાવી છે ! ત્રૈમાસિક સાહિત્યિક સામયિક ‘છાલક’ના સંપાદક કવિ જગદીપ ઉપાધ્યાયની વાર્તાઓ, નિબંધોમાં પણ એટલી જ જમાવટ હોય છે…
OP 30.10.20
***
જગદીપ ઉપાધ્યાય
30-10-2020
સહુ મિત્રોનો ખૂબ ખૂબ આભાર
બધાને કાવ્ય ગમ્યું એનો આનંદ
શુભકામનાઓ
Dr. Pooja tanna
30-10-2020
વાહ કવિ.. જમાવટ જમાવટ..
Tank rupesh
30-10-2020
અતિ સુંદર કાવ્ય
ગોરધન ભેસાણિયા
30-10-2020
જમાવટ કરી હો.ભાઈ ભાઈ.
કેશુભાઈ દેસાઈ
30-10-2020
જગદીપ ઉપાધ્યાય આપણી ગિરા ગુર્જરી નું રૂપકડું ઘરેણું છે.સવિશેષ ગીત પ્રકારમાં એ પૂરબહાર ખીલી ઊઠે છે.આ ગીત એની બાની અને ચાક્ષુષ પાત્રાલેખન તથા તળપદા સંવાદને લીધે સાદ્યંત પ્રાસાદિક બન્યું છે.
જગદીપ ઉપાધ્યાય આપણી ગિરા ગુર્જરી નું રૂપકડું ઘરેણું છે.સવિશેષ ગીત પ્રકારમાં એ પૂરબહાર ખીલી ઊઠે છે.
30-10-2020
જગદીપ ઉપાધ્યાય આપણી ગિરા ગુર્જરી નું રૂપકડું ઘરેણું છે.સવિશેષ ગીત પ્રકારમાં એ પૂરબહાર ખીલી ઊઠે છે.
30-10-2020
ઉદય દેસાઇ
30-10-2020
તળપદા શબ્દોના સરસ ઉપયોગ દ્વારા ગ્રામ્ય પરિવેશને જીવન સંધ્યાના ટાણૅ ઉદભવતા મનોભાવોનૂ ખૂબ સરસ આલેખન …..
જમાવટ ભાઈ..સરસ રચના ….અભિનંદન…
Vandana Shantuindu
30-10-2020
ખૂબ સરસ કાવ્ય.તળપદી શબ્દો બરોબર ફોર્યાં છે અહીં. ભાવ પણ ઉંચો. અભિનંદન જગદીપ ભાઈ.
Jagdishkumar m prajapati
30-10-2020
Very nice Sir
Congratulations
Chandrakant Dhal
30-10-2020
બહુ સુંદર ગીત. સરસ મિજાજ.
ઊર્મિ
30-10-2020
વાહ વાહ
Vinu bamaniya
30-10-2020
Vah
જગદીપ ઉપાધ્યાય
30-10-2020
આભાર લતા બહેન માતૃભાષાની આટલી ઉત્તમ ખેવના અને માવજત આદર ઉપજાવે છે. મારી શુભકામનાઓ સદા તમારી સાથે છે.
વેલડન…
Parul Barot
30-10-2020
ખૂબ સરસ…જગદીપભાઈ
પ્રતિભાવો