નિરંજન ભગત ~ ચાલ, ફરીએ * સ્વર અમર ભટ્ટ

ચાલ, ફરીએ !
માર્ગમાં જે જે મળે તેને હ્રદયનુ વ્હાલ ધરીએ !

બહારની ખુલ્લી હવા
આવે અહીં, ક્યાં લૈ જવા ?
જ્યાં પંથ નવા, પંથી નવા;
એ સર્વનો સંગાથ છે તો નિત નવા કૈં તાલ કરીએ !

એકલા રહેવું પડી ?
આ સૃષ્ટિ છે ના સાંકડી !
એમાં મળી જો બે ઘડી
ગાવા વિષે, ચ્હાવા વિષે; તો આજની ના કાલ કરીએ !
ચાલ ફરીએ !  -નિરંજન ભગત

~ નિરંજન ભગત

સરળ અને વ્હાલથી છલોછલ આ કાવ્ય !

કવિતા તો આપણે માણી હતી આજે એ ફરી અમર ભટ્ટના મીઠા સ્વરોમાં સાંભળીએ. 

કાવ્ય : ચાલ ફરીએ – નિરંજન ભગત * સ્વરાંકન અને સ્વર : અમર ભટ્ટ

*****

ડો. પુરુષોત્તમ મેવાડા, સાજ * 12-06-2021 * થોડા શબ્દોમાં વ્હાલ પીરસી દીધું. મારા પ્રિય કવિ. અમર ભટ્ટની ગાયકી ખૂબ સરસ, માણી.

કીર્તિ શાહ * 23-05-2021 * ગાવા વિશે, ચહવા વિશે આજની કાલ ન કરીએ….. વાહ નિરંજન ભગત

ઇંગિત મોદી * 19-05-2021 * વાહ, મજા પડી.

કિશોર બારોટ * 19-05-2021 * સરળ ભાષામાં પણ ઉત્તમ સર્જન થઈ શકે તેનું અસામાન્ય ઉદાહરણ

ડો. પુરુષોત્તમ મેવાડા, સાજ * 18-05-2021 * કવિ શ્રી ભગત સાહેબ ની કાવ્ય રચનાઓ સરળ અને હ્રદય સાંસરી ઉતરી જાય એવી હોય છે. સંસ્કૃતના જાણકાર હોવા છતાં આટલું સરળ લખી જવું એ એમની ખાસિયત છે. ખૂબ સરસ .

વિવેક ટેલર * 18-05-2021 * કેવું સરસ મજાનું કાવ્ય! એકદમ સહજ અને સાધ્ય…. લાવો, તમારો હાથ મેળવીએ કવિતા તરત યાદ આવી ગઈ… આનંદ

છબીલભાઈ ત્રિવેદી * 18-05-2021 * કાવ્યવિભાગ નુ નિરંજન ભગત સાહેબ નુ કાવ્ય ખુબજ સરસ બધા વિભાગો ખુબજ માણવા લાયક હોય છે કાવ્યવિશ્ર્વ ખરેખર ખુબ સરસ કાવ્યો નો ખજાનો છે ખુબ ખુબ અભિનંદન આભાર લતાબેન

O.P. 18.5.24