અનામી – દાળ દાઝે છે
કહું શું કાલની કહાણી અરે, આ દાળ દાઝે છે…
સાંભળ બેન ઓ શાણી અરે, આ દાળ દાઝે છે…
પ્રભાતે કામ આટોપી ગઈ હું નાથની પાસે
નીચેથી સૂર સંભળાયા અરે, આ દાળ દાઝે છે…
દયાથી સાસુજી ગરજ્યા, વહુજી ક્યાં જઈ બેઠા ?
એનું નાક છે કે નળિયું, અરે, આ દાળ દાઝે છે…
પૂજા કરતાં વદયા સસરા, ખરેખર વેઠ છે આણી
એના કાન છે કે કોડિયાં ? અરે, આ દાળ દાઝે છે…
જેઠાણી જેઠ આવીને કહ્યું માતાને સમજાવી
વહુની આ જુઓ કરણી, અરે, આ દાળ દાઝે છે…
દિયરજી દોડતા આવીને કહ્યું બા ભૂખ બહુ લાગી
શું અહીં ગંધાય ? અરે, આ દાળ દાઝે છે…
અરે ઓ બા બધું શું આ ? બબડતી આવી નણદલડી
ભાભી ક્યાં ગઈ જુઓ ! અરે, આ દાળ દાઝે છે…
આજ્ઞા નાથની માંગી, જ્યાં ઝટ દોડી કે આવી
સૌ ત્યાં કડકડી ગરજ્યા, અરે, આ દાળ દાઝે છે…
રસોડે ના ગયું કોઈ, બની ક્રોધી રહ્યા જોઈ
પડોશણ કહે જ ડોસાને અમારી દાળ દાઝે છે
પૂછે પંડિત કરશું આ, કહો વાતે શું સમજ્યા
ભૂલો કાં દાળ ના સહુની કે સૌની દાળ દાઝે છે …
આજે રવિવાર અને ખૂબ જૂનું પણ મજાનું હાસ્યગીત સાંભળો. 1938ની સાલની ગ્રામોફોન રેકોર્ડ પર પુષ્પા સંપતના નામે નોંધાયેલું આ ગીત છે. આ ગીત કોણે રચ્યું છે ? ખબર નથી ! પણ છે મજાનું ! ગીતના શબ્દો, ગાયન સાંભળીને સમજાયા એમ લખ્યા છે. રેકોર્ડિંગમાં વચ્ચે વચ્ચે સંવાદ પણ છે. એની મજા ગીત સાંભળવામાં જ આવે…
સૌજન્ય : કવિ પ્રફુલ્લ પંડયા
13.6.21
કાવ્ય : પુષ્પા સંપત
ડો. પુરુષોત્તમ મેવાડા, સાજ
14-06-2021
વાહ, આવું ગીત પહેલી વાર સાંભળ્યું.
કિશોર બારોટ
13-06-2021
બહુજ મજાનું હાસ્ય ગીત.
Bakulesh Desai
13-06-2021
wah maza aavi gai…
પ્રતિભાવો