જિજ્ઞા ત્રિવેદી ~ નથી માંગવી Jigna Trivedi
નથી માંગવી
નથી માંગવી શ્વાસની આજ ભિક્ષા,
કરીશું અમે જિંદગીની પ્રતીક્ષા.
સમય સાથ આપે ન આપે ભલે ને,
દુઆ સાથ અમને મળી આજ દીક્ષા.
સમયના બહાને વફાની અમારી,
ભલે દોસ્તો પણ કરી લે પરીક્ષા !
બધાં દોષ દુર્ગુણ નજરમાં સમાવી,
અમે જાતની પણ કરી છે સમીક્ષા !
ગઝલના નશામાં કહી આ ગઝલ તો,
અમોને કરી આકરી કેમ શિક્ષા ?
~ જિજ્ઞા ત્રિવેદી
ખુદવફાઈની અને ખુદ્દારીની ગઝલ.
શેરની રીતે સરસ પણ અંતિમ શેરમાં ભાવ સામે છેડે પહોંચાડી દીધો છે !!
OP 23.2.22
આભાર
01-03-2022
આભાર છબીલભાઈ, મેવાડાજી…
‘કાવ્યવિશ્વ’ની મુલાકાત લેનારા સૌ મિત્રોનો આભાર.
સાજ મેવાડા
23-02-2022
સરસ ગઝલ. ખુદ્દારી સાથે જે થાય છે એનો દુ:ખદ સ્વિકાર પણ કરીને અસર ઘટાડી દીધી.
છબીલભાઈ ત્રિવેદી
23-02-2022
આજનુ જિજ્ઞા ત્રિવેદી નુ કાવ્ય ખુબજ ગમ્યું બધા શેર ખુબ ગમ્યા આવી અવનવી કવિતા ઓ કાવ્યવિશ્ર્વ ની શોભા છે.
પ્રતિભાવો