🔆દીવા ભટ્ટ ~ કોઈ નજરું ઉતારો🔆 -

કોઈ નજરું ઉતારો મારા મનની રે,
મને રણમાં દેખાય લીલુંછમ લીલુંછમ…

સુક્કી ડાળખીએ પાંદડું વળગી રહ્યું,
મને ઝાંડવું દેખાય લીલુંછમ લીલુંછમ…

મારા આંગણે કૂવો કોઈ રોપો નહીં,
મને પાણી દેખાય લીલુંછમ લીલુંછમ…

સૂના ઘરની પછીતે સૂના ઓટલે,
કોણ બેઠું દેખાય લીલુંછમ લીલુંછમ…

સહુ અર્થો લખાણોથી છૂટા પડ્યા,
પછી પાનું દેખાય લીલુંછમ લીલુંછમ…

~ દીવા ભટ્ટ

આંખને લીલાશના નંબર આવે એ સૌથી ઉત્તમ…. રોજબરોજના જીવનની બધીય કાળઝાળ હળવી થઈ જાય અને એનો નશો જો રહે તો બધી જ ક્ષણો ભરીભરી થઈ જાય…

કવિની કલ્પનામાં શબ્દ, અર્થ, કાગળ છવાયેલા જ હોય…. અર્થો લખાણોથી છૂટા પડે પછી જે બચે એ ભાવ… અને ભાવની ભીનાશ સઘળું લીલુંછમ્મ જ બનાવે ને !

**

🌸દિન વિશેષ : રેખાબા સરવૈયા, ગુલામ અબ્બાસ નાશાદ, જટિલરાય વ્યાસ ‘જટિલ’, મહાવીરપ્રસાદ દ્વિવેદી🌸

🙏 કવિઓના જન્મદિવસોનો વિભાગ ‘વિશેષ’ જોવા માટે મોબાઇલના સૌથી ઉપરના ભાગે જમણી બાજુ ત્રણ આડી લીટી દેખાશે એને ટચ કરતાં બધા વિભાગો જોવા મળશે. જે વિભાગ જોવો હોય એને ટચ કરો.🙏

🙏આપની પસંદના કવિ કોણ છે? ‘Search’માં એમનું નામ લખો! અને વાંચો એમની કવિતાઓ. એમાં આપ પોતે પણ હોઈ શકો.🙏

🙏કાવ્યવિશ્વ’માં કવિના નામથી, કાવ્યની પ્રથમ પંક્તિથી અને વિષયથી કાવ્ય કે લેખ શોધી શકાય છે જુઓ search🙏

🙏‘કાવ્યવિશ્વ’ના વોટ્સ એપ ગ્રૂપમાં આપ જોડાઈ શકો છો.🙏