એકધારું તું કદી પણ લાખ નહીં
ને જરૂર કરતાં વધારે શ્વસ નહીં. **
સ્વપ્ન, ઇચ્છા કે નથી હું આયનો
તે છતાંયે તૂટવાનું ક્યાં સુધી ? **
ક્યાં સુધી પીછો કરશે ભાગ્યનો
એ ય ચકમો દઈને ભાગી શકે ! **
શેર સારો એક સૂઝે તે પછી
રાત આખી ક્યાં કદી ઊંઘાય છે ? **
રામના હાથે મરણ પામી શકું
‘રાજ’ને રાવણ થવું મંજૂર છે. **
~ રાજેશ બ્રહ્મભટ્ટ
‘કાવ્યવિશ્વ’ તરફથી ગઝલસંગ્રહ ‘સાવ એવું પણ નથી’ના કવિ રાજેશ બ્રહ્મભટ્ટને અભિનંદન.
OP 24.2.22
***
રાજેશ બ્રહ્મભટ્ટ
25-02-2022
કાવ્ય વિશ્વમાં સ્થાન આપવા બદલ હદયથી આભાર. વાચકોનો પણ આભાર.
છબીલભાઈ ત્રિવેદી
24-02-2022
રામ ના હાથે મરણ પામી શકુ, રાજને રાવણ થવુ મંજુર છે,,,,,, વાહ ખુબ સરસ શેર ખુબ ઉત્તમ માણવા લાયક શેર