અનિલ જોશી ~ ઝાકળભીનાં ઝાડ કનેથી * Anil Joshi

ઝાકળભીનાં ઝાડ કનેથી
વળાંક લઈને
સવારનો નીકળતો તડકો
કૂદે પહાડના પહાડ
મકાઇના ખેતર શેઢેથી જાગી ઊઠતું મન
જેમ કોઈ સુક્કા ખડની
સળી પવનના ટેકે ઊભી થાય
પહાડ ઉપરથી ગણગણતી
કેડીનો પડતો ધોધ
દૂરની ખોબા સરખી ઝૂંપડીમાં બંધાય
પાનપાનની વચ્ચે 
નભના વેરણછેરણ ટુકડાઓ વીંઝાતા લાગે
આ તે કેવું ઝાડ !
ઝાકળભીનાં ઝાડ કનેથી
વળાંક લઇને
સવારનો નીકળતો તડકો
કૂદે પહાડના પહાડ !!……….

~ અનિલ જોશી