કિરણ ‘રોશન’
જિંદગી કંઈ એટલી ખારી નથી! ~ કિરણ ‘રોશન’
જિંદગી કંઈ એટલી ખારી નથી!
ટેવ બસ ફરિયાદની સારી નથી
તે ચહ્યું એ ના મળ્યું તો શું થયું?
કોણે અહીં ઈચ્છા કદી મારી નથી!
એક જ ઘરમાં કેટલી ભીંતો ચણી!
સગપણોમાં ક્યાંય પણ બારી નથી
રક્તનું થીજી જવું પોસાય નહીં
આગ દિલની એટલે ઠારી નથી
હો કછોરું તોય રાખે હેતથી
મા એ મા છે કોઈ વેપારી નથી
આમ તો એ મારું જાણે બીંબ છે
જિંદગી આ મારી અણધારી નથી
શાંત સમજી મોરચા સંકેલ નહીં
થાકી છુ બસ, હું હજી હારી નથી – કિરણ ‘રોશન’
બધા શેર સારા પણ ત્રીજો, ચોથો અને છેલ્લો દમદાર.
29.11.21
આભાર આપનો
03-12-2021
આભાર છબીલભાઈ, સુરેશભાઇ અને ‘કાવ્યવિશ્વ’ની મુલાકાત લેનારા સૌ મિત્રો.
છબીલભાઈ ત્રિવેદી
30-11-2021
આજનુ કિરણબેનનુ કાવ્ય ખુબજ સરસ બધા શેર ખુબ ઉત્તમ છેલ્લો શેર ખરેખર ખુબજ ચોટદાર ખુબ ખુબ અભિનંદન આભાર લતાબેન
સુરેશ’ ચંદ્ર ‘ રાવલ
29-11-2021
કિરણબેનની ખૂબ ચોટદાર ગઝલ ખૂબ ગમી, તેમાં પણ છોરું કછોરું થવાની વાત સરસ રીતે આવી છે…! છેલ્લા. શેરમાં કવિયત્રીની ખુદ્દારી પણ ગમી..
આખી ગઝલ ખૂબ ગમી
પ્રતિભાવો