કરસનદાસ માણેક ~ જીવન અંજલી * Karsandas Manek
જીવન અંજલી થાજો ~ કરસનદાસ માણેક
જીવન અંજલી થાજો
મારું જીવન અંજલી થાજો,
ભૂખ્યા કાજે ભોજન બનજો, તરસ્યાનું જળ થાજો
દીન દુઃખિયાના આંસુ લ્હોતા, અંતર કદી ન ધરાજો.
સતની કંટાળી કેડી પર, પુષ્પ બની પથરાજો;
ઝેર જગતના જીરવી જીરવી, અમૃત ઉરના પાજો.
વણથાક્યા ચરણો મારા, નિત તારી સમીપે ધાજો
હૈયાના પ્રત્યેક સ્પન્દને, તારું નામ રટાજો.
વમળોની વચ્ચે નૈયા મુજ હાલક ડોલક થાજો;
શ્રદ્ધા કેરો દીપક મારો, ના કદીયે ઓલવાજો.
~ કરસનદાસ માણેક
ખૂબ જાણીતી અને લોકપ્રિય આ પ્રાર્થના.
28.11.21
*****
Varij Luhar
29-11-2021
મારું જીવન અંજલિ થાજો.. વાહ …અવિસ્મરણીય
સુરેશ ચંદ્ર રાવલ
29-11-2021
ભણવામાં આવતી આ પ્રાર્થના ત્યારે કંઠસ્થ હતી…જે ભાવ વિભોર કરી દેતી..આવી જૂની કવિતાઓ આપ લતાબેન…કાવ્યવિશ્વના પટલ પર મૂકો છો તેનો આનંદ છે…ફરી સ્કૂલનાં દિવસો યાદ આવી જાય છે.આભાર..
પ્રતિભાવો