સુરેશ પરમાર ‘સૂર’ ~ કાવ્યસંગ્રહ ‘તારી કસમ’ * Suresh Parmar
નરણા જ કોઠે જાગરણને પી ગયો છું હું
વહેલી સવારે તે પછી ઊંઘી ગયો છું હું.*****
ભીતરે તો ડખો નથી હોતો
તું જ અંદર જતો નથી હોતો*****
ચાલે ધમધોકાર લખૈયા, શબ્દોનો વેપાર લખૈયા
લખવાનું પણ બહાનું કેવું! લખ, આવ્યો તહેવાર લખૈયા*****
બીજ નીકળ્યું શોધવા એક વૃક્ષને
ભોંયભેગું જ્યાં થયું ફણગો થયો.*****
ઓરડામાં એક દીવો હું જ પ્રગટાવું અને
હું જ પાછો હોલવાઈ જાઉં છું, તારી કસમ.*****
ઘણાં અનિરુદ્ધ સપનાઓ બનાવે છે ઉષાનું ચિત્ર
ઉપરથી હસ્તરેખામાં છૂપી એક ચિત્રલેખા છે.*****
ફેંક્યો હતો એક કાંકરો તેં મારા માનસરોવરે
યુગો પછી તારી કને પહોંચેલ એક તરંગ છું.*****
‘સૂર’ તારા કંઠમાં ભીનાશ જેવું કેમ છે?
સાંભળ્યુ છે, શબ્દ ધોવાનો તને છે મહાવરો.*****
અરથના બે જ ચેડાં ઝાલી ખેંચાખેંચ ના કરશો
સકારણ હું જ એમાં મધ્યમપદનો લોપ રાખું છું.*****
મંઝિલ છોડી ચાલ મુસાફિર
રસ્તાને કર વ્હાલ મુસાફિર*****
~ સુરેશ પરમાર ‘સૂર’
‘કાવ્યવિશ્વ’માં કવિ સુરેશ પરમારના કાવ્યસંગ્રહ ‘તારી કસમ’નું સ્વાગત છે.
સુરેશ પરમાર ‘સૂર’ * ‘તારી કસમ’ * સ્વયં 2024
ખુબ સરસ કાવ્ય ખુબ ગમ્યુ
ખૂબ ખૂબ અભિનંદન – શુભેચ્છા – શુભ કામના
Khoob khoob aabhar 🌹🙏
આનંદ આનંદ
Thanks for sharing my poems👍🌹🙏
ખૂબ સરસ સંગ્રહ છે. મિત્ર કવિશ્રી ‘સૂર’ને અભિનંદન.
અભિનંદન
કાવ્ય સંગ્રહ માટે અભિનંદન. શુભેચ્છાઓ. સરસ કવિતાઓ આપતા રહે એ અપેક્ષાઓ સાથે.
સરસ રચના.
ખૂબ ખૂબ અભિનંદન ⚘️