ન કર
નફા ને ખોટનો ખયાલ ન કર,
ફકીર સાથે ભાવતાલ ન કર.
કોક બીજુંય વસે છે અહીંયાં,
અહીંયાં તું આટલી ધમાલ ન કર.
કેમ કે તું નથી તારી મિલકત,
દોસ્ત તારામાં ગોલમાલ ન કર.
તું નથી જાણતો ક્યાં જાય છે તું,
આટલી તેજ તારી ચાલ ન કર.
લોક માલિકને ભૂલી બેસે,
સંત તું એટલી કમાલ ન કર.
~ અદમ ટંકારવી
બન્ને ગઝલ સંવેદનશીલ છે.
વાહ,બંને ગઝલો ‘કાબિલે દાદ’ છે. મજા પડી.
અદમ ટંકારવીનો કાવ્ય મિજાજ પ્રગટ કરતી ટૂંકી બહરની સરસ ગઝલો