🔆પ્રજારામ રાવળ ~ તરસ હૈયા-હરણું🔆

તરસ્યું હૈયા – હરણું !
દોડતું દશે દિશમાં વ્યાકુળ ઢૂંઢતું શીતલ ઝરણું !

તરસ કેરા તીરથી ઘાયલ,
પલ વળે નહીં ચેન;
રાતથી લાંબો દિન થતો, ને
દિનથી લાંબી રેન !
પાગલ પાગલ ઢૂંઢતું ફરે કોઈ સોનાનું શમણું !

ધીકતી ધરા ચાર બાજુએ
આભ ઝરે અંગારા;
શાપિત મૃગની ઘોર તૃષાના
ક્યાંય દેખાય ન આરા,
રણ રેતીનું સળગે કેવળ, છાંય ધરે નહીં તરણું !

~ પ્રજારામ રાવળ (3.5.1917 – 28.4.1991)

🙏આપની પસંદના કવિ કોણ છે? ‘Search’માં એમનું નામ લખો! અને વાંચો એમની કવિતાઓ ! એમાં આપ પોતે પણ હોઈ શકો !! 🙏

🙏 કવિઓના જન્મદિવસોનો વિભાગ ‘વિશેષ’ આપ ગમે ત્યારે જોઈ શકો છો. like, પ્રતિભાવ પણ આપી શકો છો.🙏

તમને ડાયાબિટિસ હોય કે ન હોય, આ જરૂર વાંચો