નંદિતા ઠાકોર ~ એક પળમાં
એક પળમાં પરોવી દઉં જીવતર આખુંય : નંદિતા ઠાકોર
એક પળમાં પરોવી દઉં જીવતર આખુંય
બોલ, આપી શકીશ એવું કંઈ?
સાંજ મને સોનેરી જોઈતી નથી કે નથી રૂપેરી રાતનાં ય ઓરતા,
એક્કે ય વાયદા કે વેણ નથી જોઈતાં, એમાં ગુલમ્હોર છોને મ્હોરતા.
અઢળકની ઝંખનાઓ છોડીને આવી છું સાંજ તણી આશાએ અહીં,
બોલ, આપી શકીશ એવું કંઈ ?
મારામાં ઊગેલું મારાપણું ય હવે તારામાં રોપી હું છુટ્ટી,
લેવાથી દેવાનો અદકેરો લ્હાવ હવે ખોલી દે બાંધી આ મુઠ્ઠી.
ચીતરેલા ફૂલને ય ફૂટે સુગંધ એવું આંખોમાં જોતી હું રહી,
બોલ, આપી શકીશ એવું કંઈ ? – નંદિતા ઠાકોર
નંદિતા ઠાકોર એ ડાયસ્પોરા સર્જકોમાં જાણીતું નામ. મજાના કવયિત્રી અને ખૂબ સારા સંગીતકાર. સૂરીલા મીઠા અવાજના માલિક એટલે નંદિતા ઠાકોર. સ્વાભાવિક છે કે એમની ગીતરચના પણ શબ્દ-સૂર, બંનેનો સમન્વય પામેલી હોય !
22.10.21
આભાર આપનો
24-10-2021
આભાર છબીલભાઈ અને સુરેશભાઇ.
‘કાવ્યવિશ્વ’ની મુલાકાત લેનાર સૌ મિત્રોનો આભાર.
છબીલભાઈ ત્રિવેદી
24-10-2021
આજનુ નંદિતા ઠાકોર મેડમ નુ ગીત ખુબજ સરસ કાવ્યવિશ્ર્વ નો વૈભવ માણવા મળે છે તે ખુબજ આનંદ ની વાતછે આભાર લતાબેન
સુરેશ ‘ચંદ્ર’ રાવલ
22-10-2021
ચીતરેલા બનાવટી ફૂલમાં સુગંધ ના હોય પણ કવિયત્રીએ ચીતરેલા ફૂલમાં સુગંધ ભરી દીધી છે..સરસ કાવ્ય છે..
પ્રતિભાવો