શ્યામ સાધુ ~ ગુલમ્હોર શોધનારી * Shyam Sadhu
ગુલમ્હોર શોધનારી ~ શ્યામ સાધુ
ગુલમ્હોર શોધનારી ઉદાસીને શી ખબર,
હું પાનખરના નામથી પણ થરથર્યા કરું.
આજે તો પેલા મોરના ટહુકાય ક્યાં રહ્યા,
પીંછાના જેવો હું જ ફક્ત ફરફર્યા કરું.
બહુ બહુ તો એક પળને લીલીછમ બનાવશે,
હું ક્યાં સુધી પતંગિયાને કરગર્યા કરું?
બોલો હે અંધકાર ! અજંપાની રાતના
કોને સ્મરણ હું સૂર્ય બની તરવર્યા કરું ?
મારા વિષાદનાં ગુલાબો મ્હેકતા રહો,
હું તો આ બારમાસી ફૂલે ઝરમર્યા કરું.
~ શ્યામ સાધુ
કવિને કવિતા વરી છે….
બધા જ શેર કમાલ પણ ચોથો શેર તો મનમાં પ્રસન્નતાના સેંકડો સૂર્ય જગવી દે !
OP 15.6.22
***
છબીલભાઈ ત્રિવેદી
15-06-2022
ઉદાસી કવિ શ્રી શ્યામ સાધુ ની શબ્દ ચેતના ને વંદન
Varij Luhar
15-06-2022
સુંદર ગઝલ
પ્રતિભાવો