હાલરડું ~ લીંપ્યું ને ગુંપ્યું
હાલરડું ~ લીંપ્યું ને ગૂંપ્યું મારું આંગણું
લીંપ્યું ને ગૂંપ્યું મારું આંગણું,
પગલીનો પાડનાર દ્યો ને, રન્નાદે!
વાંઝિયા-મેણાં, માતા, દોયલાં.
દળણાં દળીને ઊભી રહી,
પાળ્યુંનો પાડનાર દ્યો ને, રન્નાદે !
વાંઝિયા-મેણાં, માતા, દોયલાં.
પાણી ભરીને ઊભી રહી,
છેડાનો ઝલનાર દ્યો ને, રન્નાદે!
વાંઝિયા-મેણાં, માતા, દોયલાં.
મહીડાં વલોવી ઊભી રહી,
માખણનો માગનાર દ્યો ને, રન્નાદે !
વાંઝિયા-મેણાં, માતા, દોયલાં.
રોટલા ઘડીને ઊભી રહી,
ચાનકીનો માગનાર દ્યો ને, રન્નાદે !
વાંઝિયા-મેણાં, માતા, દોયલાં.
ધોયોધફોયો મારો સાડલો,
ખોળાનો ખૂંદનાર દ્યો ને, રન્નાદે !
વાંઝિયા-મેણાં, માતા, દોયલાં.
બાળજન્મ પછી ઉપરની દરેક કડી આ પ્રમાણે ફેરફાર કરીને ગવાય છે.
લીંપ્યું ને ગૂંપ્યું મારું આંગણું
પગલીનો પાડનાર દીધો, રન્નાદે !
અનિરુદ્ધ કુંવર મારે લાડકો.
OP 20.6.22
આભાર
21-06-2022
આભાર છબીલભાઈ.
‘કાવ્યવિશ્વ’ની મુલાકાત લેનારા સૌ મિત્રોનો પણ આભાર
છબીલભાઈ ત્રિવેદી
20-06-2022
ખુબ વરસો થી ગવાતી હાલરડુ રચના ખુબજ સરસ સાંભળવા લાયક માતાજી પ્રત્યે ની અતુટ શ્રધ્ધા ધરાવતુ અતી પ્રાચિન રચના આભાર લતાબેન
પ્રતિભાવો