હરીશ ઠક્કર ~ અમથા અમે
અમથા અમે જરાક ઇશારે ચડી ગયા ~ હરીશ ઠક્કર
એક મીઠી નજરના બદલામાં
મારી બે આંખ હું ધરી બેઠો. ****
ક્યાંથી પ્રકાશ પ્રગટ્યો ને લોપ થઈ ગયો ક્યાં ?
દિવેટમાં નથી એ, ના તો ચિરાગમાં છે. ****
મારા બધાય કામમાં બે જણને હું પૂછું
એક તો હું પોતે ને બીજો અંદરનો રામ પણ. ****
મુલાયમ જીભ છે ને ચામડી થોડીક જાડી છે
મને આ હોંશિયારી જિંદગીએ શીખવાડી છે. ****
મજા પહેલાં મિલનની આપણે કેવી બગાડી છે
અમે મૂછોને દીશા તાવ, તેં લટને રમાડી છે. ****
શ્વાસ લીધો ને તરત છોડી દીધો
જીંદગીનો આ નિયમ સમજ્યા તમે ? ****
શ્રેષ્ઠ હો તો સાબિત કર, શ્રેષ્ઠને હરાવી જો
તું તને જીતે નહીં તો શ્રેષ્ઠતા અધૂરી છે. ****
~ ડો. હરીશ ઠક્કર
‘અમથા અમે જરાક ઇશારે ચડી ગયા’ પાર્શ્વ પ્રકાશન (2021) દ્વારા પ્રકાશિત આ ગઝલસંગ્રહ લઈને આવનાર કવિ ડો. હરીશ ઠક્કરનું ‘કાવ્યવિશ્વ’માં સ્વાગત છે.
રમતું હતું સવારનું અજવાળું આંગણે
તડકા જુવાન શું થયા, માથે ચડી ગયા !
વધતાં જતાં તડકા માટે કવિએ શું રમ્ય કલ્પના કરી છે !
હું સમયની જેમ સાચવું એને
એ સમયની જેમ વીતાવે મને.
ઉપરના શેર ઉપરાંત એમના આ બે શેર પણ ખરેખર ખૂબ ગમી ગયાં ! વાહ કવિ !
OP 2.7.22
***
Kishor Madlani
08-07-2022
દરેક પોસ્ટ મૌજ કરાવે છે ..એક અનોખા મન ભાવન વિશ્વ ની યાત્રા કરાવે છે.
આભાર
07-07-2022
આભાર બકુલેશભાઈ
‘કાવ્યવિશ્વ’ની મુલાકાત લેનારા સૌ મિત્રોનો પણ આભાર
બકુલેશ દેસાઈ
03-07-2022
Wah હરીશભાઈ.. સરસ રચના.
પ્રતિભાવો