મકરંદ દવે ~ અમે ગાતાં ગાતાં Makarand Dave
અમે ગાતાં ગાતાં જાશું ~ મકરંદ દવે
અમે ગાતાં ગાતાં જાશું
આ નગરીની શેરી ને ગલીએ ચોક મહીં કે ખૂણે મળીએ
એક સનાતન સુંદર કેરા સૌ ઉદ્દગાતા થાશું !
અમે ગાતાં ગાતાં જાશું
અમે હૈયે, હેતે છાશું
આ જીવનમાં જે હોય કકળતા, જેને માથે બપોર બળતા
છાંયો દઈ તેને ટહુકીને, પ્રેમ પિયાલા પાશું
અમે ગાતાં ગાતાં જાશું
અમે જાતાં જાતાં ગાશું
આ નગરીને છેલ્લે દરવાજે, વિદાય-સાંજે મધુર અવાજે
સલામના સૂરે સુંદરના, ખોળે ધન્ય સમાશું
અમે ગાતાં ગાતાં જાશું’
~ મકરંદ દવે
‘અમે ગાતાં ગાતાં જાશું’ – ધન્ય ધન્ય હો આવી ઇચ્છાને અને આવી ઘડીને ! વિરલાને જ મળે !
OP 2.7.22
***
Dipak Valera
04-07-2022
Very nice
સાજ મેવાડા
02-07-2022
કવિને સ્મૃતિ વંદન.
પ્રતિભાવો