ફાગણ ફટાયો આયો
ફાગણ ફટાયો આયો, કેસરિયા પાઘ સજાયો
જોબનતા જામ લાયો, રંગ છાયો રંગ છાયો રે
પાંદરડે ઢોલ પિટાયો, વગડો મીઠું મલકાયો
શમણાની શાલ વીંટાયો, કીકીમાં કેફ ધૂંટાયો
ગોરી ધૂંઘટ ખોલાયો, નેણમાં નેણ મિલાયો
વરણાગી મન લુભાયો, રંગ છાયો રંગ છાયો રે.
કો રંગ ઊડે પિચકારીએ, કેસૂડે કામણ ઘોળ્યા
કો પાસેવાળા પડી રહ્યા, આઘાને રંગે રોળ્યા
કોઈનો ભીંજે કંચવો, કોઈના સાડી-શેલા
કોઈ ના કોરું રહી જશે, જી કોઈ મોડા કોઈ વ્હેલા!
~ બાલમુકુંદ દવે (7.3.1916 – 28.2.1993)
કવિ બાલમુકુન્દ દવેનો આજે જન્મદિવસ અને આજે ધૂળેટી….. કવિ કહે છે, ‘કોઈ ના કોરું રહી જશો…..
કાવ્યસંગ્રહ: ‘પરિક્રમા’., ‘કુંતલ’. બાળકાવ્યસંગ્રહ: ‘સોનચંપો’, ‘ઝરમરિયાં’, ‘અલ્લક દલ્લક’.
સુંદર ગીત છે
ફંટાયા ફાગણનો મિજાજ કાવ્યમાં બરાબર ઝીલાયો છે. કવિને નમન.
આ ગીત ફાગણ ફટાયો રેડિયો પર આવતું હતું.
ધૂળેટીના ઉન્માદની કવિતા.
ગુજરાતી ભાષાના અદ્ભૂત કવિને વંદન 🙏🏻🙏🏻🙏🏻