અંજના ગોસ્વામી ~ તેં કહ્યું ‘તું * Anjana Goswami
તેં કહ્યું ‘તું મને ~ અંજના ગોસ્વામી ‘અંજુમ આનંદ’
તેં કહ્યું ‘તું મને એ બધું યાદ કર
આપણી વચ્ચે જે પણ હતું, યાદ કર.
જિંદગી થઈ ‘તી જેના થકી તરબતર
તું કમોસમનું એ માવઠું યાદ કર.
ને સમજ આમ તો બહુ હતી બેઉમાં
તો પછી ક્યાં પડ્યું વાંકુ ? તું યાદ કર.
કોઈ પણ વાતમાં આપણે ખુશ હતાં
એ બધું સુખ હવે ક્યાં ગયું ? યાદ કર.
રાહ છે તારી ને રહેશે હરપળ મને
બસ, વચન તારું જે પણ હતું યાદ કર.
~ અંજના ગોસ્વામી ‘અંજુમ આનંદ’
‘યાદ કર’ અંજનાજીના ગઝલસંગ્રહનું નામ છે અને આ એ જ રદ્દીફવાળી ગઝલ ! કવિતા કે સાહિત્ય આખરે અંદરના દરિયાને ઠાલવવાનું જ માધ્યમ છે ને !
ભાવનગરના કવિ અંજનાજીમાં વળી એક નોંધપાત્ર વાત મને આ મળી કે ઘર-પરિવારમાં બાવીસ વર્ષ વીતાવ્યા પછી એ સાહિત્યસર્જન તરફ વળ્યા ગુજરાતી ભાષાને આવા અનેક સ્ત્રી સર્જકો મળ્યા છે કે જો એમણે પહેલેથી અંગત ડાયરીથી આગળ વધીને સર્જન ચાલુ રાખ્યું હોત તો આજે વધારે ઊંચાઈએ હોત !
સરસ મજાના મુખપૃષ્ઠવાળો ગઝલ સંગ્રહ ‘યાદ કર’ને કવિ રાજેશ વ્યાસ ‘મિસ્કીન’, ડો. પથિક પરમાર અને કિરણસિંહ ચૌહાણનો આવકાર સાંપડ્યો છે એ આનંદની વાત છે.
‘કાવ્યવિશ્વ’ના આંગણે અંજનાજીનું સ્વાગત છે.
11.1.22
આભાર
12-01-2022
આભાર છબીલભાઈ
સાચું છે મેવાડાજી
અંજનાજી, અમારો આનંદ
‘કાવ્યવિશ્વ’ના સૌ મુલાકાતી મિત્રોનો આભાર.
છબીલભાઈ ત્રિવેદી
12-01-2022
આજની અંજના ગોસ્વામી ની રચના ખુબ સરસ નવાનવા રચના કારો કાવ્યવિશ્ર્વ મા આપ લાવો છો અેટલે કાવ્ય વૈવિધ્ય જળવાઈ રહે છે ખુબ ખુબ અભિનંદન
સાજ મેવાડા
11-01-2022
આદરણીય લતાજી, આપની સાથે હું સહમત છું કે કાવ્ય, ખાસ તો ગઝલ લાગણીઓને વ્યક્ત કરવાનું સબળ માધ્યમ છેં. એ રીતે વેદનાોનું પણ બાષ્પીભવન(catharsis) થઇ જાય છૈ. આ ગઝલની સરળ નિખાલસ અભિવ્યક્તી સ્પર્શી જાય છે.
anjana goswami
11-01-2022
ખૂબ ખૂબ આભાર આપનો
પ્રતિભાવો