સુન્દરમ્ ~ એક સવારે

એક સવારે આવી,

મુજને કોણ ગયું ઝબકાવી ?

વસંતની ફૂલમાળા પહેરી,

કોકિલની લઈ બંસી,

પરાગની પાવડીએ આવી,

કોણ ગયું ઉર પેસી ? મુજને….. 

કિરણ તણી કોમળ અંગુલિએ

રમ્ય રચી રંગોળી,

સોનલ એના સ્નેહસુહાગે

કોણ રહ્યું ઝબકોળી ? મુજને…. 

~ સુન્દરમ્

કવિ સુન્દરમ્ ની પૂણ્યતિથિએ એમને સ્મૃતિવંદન સહ 

13.1.22

***

સાજ મેવાડા

13-01-2022

પ્રકૃતિ. સ્નેહ અને પ્રભુ ચેતનાના કવિને શ્રધાંજલિ.

છબીલભાઈ ત્રિવેદી

13-01-2022

કવિ શ્રી સુંદરમ ની પુણ્યતિથિ નિમિત્તે તેમની ખુબજ જાણીતી રચના આપે આપી ખુબજ ગમ્યું ખુબ ખુબ અભિનંદન