નાથાલાલ દવે ~ કામ કરે
કામ કરે ઇ ~ નાથાલાલ દવે
કામ કરે ઇ જીતે રે માલમ !
કામ કરે ઇ જીતે.
આવડો મોટો મલક આપણો
બદલે બીજી કઇ રીતે રે…
ખેતર ખેડીને કરો સીમ સોહામણી !
બાંધો રે નદીયુંના નીર;
માગે છે દેશ આજ મહેનત મજિયારી,
હૈયાના માગે ખમીર…
હાલો રે ખેતરે ને હાલો રે વાડીએ,
વેળા અમોલી આ વીતે;
આજે બુલંદ સૂરે માનવીની મહેનતના
ગાઓ જય જયકાર પ્રીતે…
~ નાથાલાલ દવે (3.6.1912-25.12.1995)
1912માં જન્મેલા આ કવિ પર સ્વાતંત્ર્ય યુગની છાયા હોય એ સ્વાભાવિક છે. એમની યુવાની એટલે આઝાદીની ચળવળના દિવસો. દેશના લોકોને એમણે બહુ સરળ ભાષામાં અને બહુ સરસ સંદેશો આપ્યો છે જે આજે અને હંમેશા એટલો જ ઉપયુક્ત રહેશે.
કવિના જન્મદિને સ્મૃતિવંદન.
OP 3.6.22
*****
આભાર
11-06-2022
આભાર છબીલભાઈ અને જયશ્રીબેન.
‘કાવ્યવિશ્વ’ના સૌ મુલાકાતીઓનો આભાર
Jayshree Patel
06-06-2022
બહુ પ્રિય કવિતા 🙏
છબીલભાઈ ત્રિવેદી
03-06-2022
કવિ શ્રી નાથાલાલ દવે ની રચના કામ કરે તે જીતે પરિશ્રમ વગર નુ જીવન નકામુ છે આજે તેમના જન્મદિવસે પ્રણામ આભાર લતાબેન
પ્રતિભાવો