છોડી દે હવે
ગાંઠ જૂની આજ છોડી દે હવે,
બંધ કિલ્લો આજ તોડી દે હવે.
બિંબ સાચું એક જેમાં ના મળે,
દર્પણોને આજ ફોડી દે હવે.
સર થશે પર્વત સમો આ માનવી,
લાગણીનો ધ્વજ ખોડી દે હવે.
પ્રેમનું સંગીત ગુંજી તો રહે,
બે હૃદયના તાર જોડી દે હવે.
જિંદગીની પાથરી ચોપાટ છે,
હાથમાં એનાય કોડી દે હવે.
~ હરીશ પંડ્યા
‘સર થશે પર્વત સમો આ માનવી, લાગણીનો ધ્વજ ખોડી દે હવે.’ જાણીતી વાતની કેવી સુંદર કાવ્યાત્મક રજૂઆત…
અને છેલ્લા શેરમાં ‘એના’ એટલે કે ઈશ્વરના હાથમાં કોડી દેવાની વાત પ્રસન્ન કરી દે એવી છે.
સરસ, ગમ્યું.