ઇકબાલ મોતીવાળા ~ મૌલવીના ગામ વચ્ચે * Ikabal Motiwala

મૌલવીના ગામ વચ્ચે મય પીવાનું મન થયું;
આ તમારા પુણ્યને પડકારવાનું મન થયું.

સાવ ચીંથરેહાલ આખી જિંદગી ભટક્યા કર્યું,
આખરી ક્ષણને હવે શણગારવાનું મન થયું.

ચાંદ-સૂરજનું ગ્રહણ થાતું રહે છે એટલે
તારલાની જેમ અમને જીવવાનું મન થયું

જોખમી દાવો લગાવ્યા કાળના જુગારમાં,
ને હવે જીતેલ બાજી હારવાનું મન થયું.

આયનામાં ખુદને મળવાની ઘણી ઇચ્છા હતી,
લ્યો, મળ્યા તો કેમ આંસુ સારવાનું મન થયું?

~ ઇકબાલ મોતીવાળા (જ.28.2.1942) 

જન્મદિને કવિને સ્મૃતિવંદના