સાંઈ
કારણ વિના રિસાઈ ચાહું મનાવ સાંઈ.
વાસીને દ્વાર બેઠાં ખોલીને આવ સાંઈ.
ભાંગી કરી ને ભુક્કો પાછો દે ઘાટ નૂતન,
તુજને સદા ગમીએ એવો ઘડાવ સાંઈ.
બોલે તું સાંભળું હું, બોલું હું સાંભળે તું,
તારા વિના છે સૂની મહેફિલ સજાવ સાંઈ.
અરજી નથી લગાવી તારી ય છે આ મરજી,
લાગી છે લેહ(લે) લગન ને લાગ્યો લગાવ સાંઈ.
ક્યારેક જાણીબૂઝી લપસી જવાય ખાડે,
આપીને હાથ તારો ઊપર ઉઠાવ સાંઈ.
ભૂલા પડી જઈએ માયુસ કદી થઈએ,
આધાર એક તારો, જુસ્સો જગાવ સાંઈ.
સૂરજ ન અસ્ત પામે એવે મલક લઈ જા,
તારી ફરજ બને છે રસ્તો બતાવ સાંઈ.
~ કવિતા શાહ
સ્ત્રીની સનાતન આરત
બન્ને ગઝલ સંવેદનશીલ છે.
બંને રચનાઓ ભાવાભિવ્યક્તિની દૃષ્ટિએ સરસ છે. અભિનંદન.
❤️
ખૂબ આભાર પ્રેમ લતાબેન હિરાણી
આનંદ આનંદ
વાહ, બંને ગઝલો ‘કાબિલે દાદ’ અભિનંદન.
ગમી જાય તેવી ગઝલો
ઊપરના સૌ રસિકો સાથે સહમત સો ટકા,
બન્ને ગઝલો સરસ છે