લતા હિરાણી ~ પંખીઓ * Lata Hirani

પંખીઓ ઊડી રહ્યાં છે મોજમાં આકાશમાં
ના છે કાચ પાયેલી દોરીનાં એ પાશમાં.

શ્વાન જાણે સિંહ છે, રસ્તાના એ રાજા થયા
મસ્તીથી ભસતા હવે, ના વાહનો વસ્તી રહ્યાં.

ફુલને રહેવા મળ્યું છે ડાળ સંગે જ્યારથી
ઝાડ- છોડે કેટલાંયે ગીત ગાયાં પ્યારથી.

કાર ને વાહન બધાયે આંગણે અટકી ગયાં
ને હવાએ શ્વાસ લીધાં સાફ, વરસે કેટલા !

હાશ લઈ પ્રકૃતિનાં તત્ત્વો બધા કે’ છે હવે
સુધરો માનવ, બહુ ચગ્યા છો, ચેતો ઝટ હવે.

~ લતા હિરાણી

OP 15.12.2020