પુષ્પા વ્યાસ ~ માંહ્યલાની મે’ર છે -

ઓછી મૂડી ને ઝાઝેરી લે’ર છે
સાચું પૂછો તો માંહ્યલાની મે’ર છે

શીદને ઉતારું આ મધદરિયે વા’ણ હું ?
બંદર ચોરાસીનો વાવટો તો ઘેર છે

સંબંધ તો રાખ્યા રે’છે મારા ભાઈ
જેટલા લખ્યા એની પહોંચુના ઢેર છે

મણકા તો નામના મલકના મુસાફર
હાથમાં રહ્યો એ તો માળાનો મેર છે

મૂક્યો મેં તો એક દીવો ટોડલિયે
આવી જુએ હવે, હું છું અંધેર છે.

~ પુષ્પા વ્યાસ

કવિ ત્રિભુવન વ્યાસના દીકરી પુષ્પા વ્યાસ. ઓછું લખ્યું છે પણ માતબર લખ્યું છે.