સંજુ વાળા ~ રહીએ જેમ * Sanju Vala
રહીએ, જેમ તમે જી ! રાખો !
કાં અબોલા અમથી આવા, કૈ તો ડહાપણ દાખો !
વરત – આખડી સૌ મૂકી દઉં, ના કોઈ પૂજું દેવ
પૂછી બીડું પલક, ખીંટીએ ટાંગુ સઘળી ટેવ
ત્યાં જ ઉડીએ , જ્યાં ઉડાડે તમે દીધેલી પાંખો !
રહીએ, જેમ તમે જી ! રાખો !
મેં ક્યાં માંગ્યું ? સોને-રૂપે માંઝી દો મનસૂબા
ઝળઝળિયાં દો, તો પણ મારે રતન-છલોછલ કૂબા
ધૂળધફોયા ખોળે જરાક, અમી નજર તો નાખો !
રહીએ, જેમ તમે જી ! રાખો ! ……
~ સંજુ વાળા
આખુંયે ગીત, સરળ શબ્દોમાં સ્ત્રીના મનોભાવોનું સુંદર ચિત્રણ આપે છે. એના હૃદયની ઝંખના ઉત્કટતા તો જુઓ !-‘પૂછી બીડું પલક, ખીંટીએ ટાંગુ સઘળી ટેવ’… મીરાંબાઈ તાદૃશ થાય છે… અને આ ઉત્કટતા જ કાવ્યને ઉત્તમ કક્ષામાં મૂકી આપે છે.
2.1.21
કિશોર બારોટ
13-04-2021
ગીત બહુજ ગમ્યું.
પ્રતિભાવો