તુષાર શુક્લ ~ પ્રેમ * Tushar Shukla
દરિયાના મોજાં કંઇ રેતીને પૂછે,
તને ભીંજાવું ગમશે કે કેમ ? એમ પૂછીને થાય નહીં પ્રેમ….
ચાહવા ને ચૂમવામાં ઘટનાનો ભેદ નથી, એકનો પર્યાય થાય બીજું;
આંખોનો આવકારો વાંચી લેવાનો, ભલે હોઠોથી બોલે કે, ખીજું ?
ચાહે તે નામ તેને દઇ દો તમે રે ભાઇ અંતે તો હેમનું હેમ;
એમ પૂછીને થાય નહીં પ્રેમ…..
ડગલે ને પગલે જો પૂછ્યા કરો તો પછી કાયમના રહેશો પ્રવાસી;
મન મૂકી મ્હોરશો તો મળશે મુકામ એનું સરનામું, સામી અગાશી.
મનગમતો મોગરો મળશે, વટાવશો વાંધાની વાડ જેમજેમ;
એમ પૂછીને થાય નહીં પ્રેમ…..
– તુષાર શુક્લ
એકદમ સરળ એટલું જ અદભૂત અને અત્યંત હૃદયસ્પર્શી આ ગીત વિશે કશું જ લખી શકાય નહીં… યુવાન જ નહીં પ્રૌઢો પણ ઝૂમી ઊઠે એવા શબ્દો અને શ્રી શ્યામલ મુનશીનું ગાન..
29.6.21
કાવ્ય : તુષાર શુક્લ સ્વરકાર-ગાયક : શ્યામલ મુનશી
*****
Sarla Sutaria
30-06-2021
સુંદર મજાનું ગીત ???
પ્રફુલ્લ પંડ્યા
29-06-2021
કવિશ્રી તુષાર શુક્લને જન્મદિવસની શુભકામનાઓ સાથે સુંદર ગીત અને શ્યામલ મુનશી દ્વારા સુંદર ગાન !
” કાવ્ય વિશ્વ”એટલે રોજેરોજની મહેફિલ !
પ્રફુલ્લ પંડ્યા
શૈલેષ પંડયા નિશેષ
29-06-2021
વાહ ખુબ સરસ… મારું ફેવરીટ… એટલે જ મને કાવ્ય વિશ્વ ગમે છે…. આપ ખુબ સરસ કાર્ય કરી રહ્યા છો… લતાબેન..
ડો. પુરુષોત્તમ મેવાડા, સાજ
29-06-2021
ખૂબ જાણીતું, માનીતું અને મનગમતું કવિ તુષારભાઈનું ગીત, સવાર સુધારી દીધી.
Pranav thaker
29-06-2021
સરસ…. ખૂબ જાણીતું??
સિકંદર મુલતાની
29-06-2021
કવિ શ્રી તુષાર શુક્લનું ખૂબજ વિખ્યાત ગીત અને શ્યામલ મુનશીનું અદભુત સ્વરાન્કન.. વાહ..
કવિ શ્રીને જન્મદિવસની મુબારકબાદ..????
Varij Luhar
29-06-2021
કવિશ્રી તુષાર શુક્લ ને જન્મદિવસની હાર્દિક શુભકામનાઓ
તેઓની ખૂબ જ જાણીતી રચના માણવા મળી તેનો આનંદ
છબીલભાઈ ત્રિવેદી
29-06-2021
સંચય વિભાગમાં ચિનુ મોદી સાહેબ ની યાદગાર તસ્વીર ખુબ નાની ઉમર ની અદભૂત
છબીલભાઈ ત્રિવેદી
29-06-2021
ગુજરાતી ભાષા ના દિગ્ગજ કવિ શ્રી તુષાર શુક્લ ની ખુબજ જાણીતી રચના અેના વિષે તો શુ લખી શકાય પણ તેને માણી શકાય ખુબ ખુબ અભિનંદન આભાર લતાબેન
પ્રતિભાવો