ગાયત્રી ભટ્ટ – હરખની હેલી ગુજરાતણ * Gayatri Bhatt
ગાયત્રી ભટ્ટ ~ હરખની હેલી ગુજરાતણ
ઢોલ બજે ને ઝાંઝરીયામાં ઝીલી ન જાતી ભરતી
હું તો હરખની હેલી ગુજરાતણ…
રગરગમાં રમઝટ ઉપડે ને ચપટી ચાલે તરતી
હું તો હરખની હેલી ગુજરાતણ…..
નાના સરખા ઘડુલિયાની ફરતે ઝીણા છેદ કરાવું
ભરમ ભીતરના ભેદું છેદું, દીવડો નાનકડો પેટાવું
ઉજળા આંગણિયાંને લીપી, કંકુ કામણ કરતી
હું તો હરખની હેલી ગુજરાતણ….
ડાબે જમણે લાભ શુભની રાતી રાતી ભાત પુરાવું
ફરતે એની સ્વસ્તિક દોરી, ચોખા ને કંકુ છંટાવું
ફુલગુલાબી વેણી પહેરી અંગ અંગ ફોરમતી
હું તો હરખની હેલી ગુજરાતણ….
ઘડીક ગરબો માથે રાખું, ત્યાં તો ઊભી ઘુમવા લાગું
એનઘેન અંધારાં વચ્ચે, અજવાળું ઉજવવા લાગું
આખા આ બ્રહ્માંડને જાણે, અધ્ધર પધ્ધર ધરતી
હું તો હરખની હેલી ગુજરાતણ…
જણસને બદલે છૂંદી છૂંદણાં, ઘટને મેં ઘાટીલા કીધા
કો’ક મલકના ખૂંદી ખૂંદણાં, ઠેકા હેત ભરીને લીધા
હીંચ લઈને તાલી દઈને હોંશે હરતી ફરતી
હું તો હરખની હેલી ગુજરાતણ .
~ ગાયત્રી ભટ્ટ
ગરબા વિશે કશું લખવાની જરૂર ન હોય અને એમાંય જ્યારે આપણાં નીવડેલાં કવયિત્રી ગાયત્રી ભટ્ટનો ગરબો હોય ! એમાં સ્તુતિ તો હોય જ, ગરબા પરંપરા પણ વણાયેલી હોય પરંતુ એ સરસ કવિતા પણ સિદ્ધ થતી હોય ! જુઓ આ પંક્તિ
ભરમ ભીતરના ભેદું છેદું , દીવડો નાનકડો પેટાવું ….
ઉપરના ગરબાની સાથે આટલું વિશેષ..
નીચેની લિન્કમાં આપણો પ્રાચીન બેઠો ગરબો હિરવા અને શ્રેષ્ઠા નાણાવટી ગાય છે ત્યારે આ બંને બહેનોની માત્ર ગાયકી જ નહીં, આટલી યુવાન વયે આપણાં વારસના જતન માટેની તેમની ચીવટ સલામને પાત્ર છે.
મૂળ પોસ્ટીંગ 24.10.2020
Urja Anand Dhamelia
25-10-2020
Dear heer-shree,
Khoob Anand thayo .. bau j sunder garbo ane gayiki …
Lata ben ne pan 🙏🏻
Shraddha Rawal
24-10-2020
Khoobj saras
Hirwa Nanavaty
24-10-2020
Wah… Thank you so much🙏❤
Neesha Nanavaty
24-10-2020
વાહ વાહ, લતાબેન !
Vipul Acharya
24-10-2020
Very nice.Initiative Lataben.
Geeta Panchal
24-10-2020
પ્રાચીન ગરબા ની મજા કંઇ ઓર જ છે
આજે સાંભળો બે યુવા અને તરોતાજા અવાજોમાંથી ગુંજતું સંગીત – હિરવા અને શ્રેષ્ઠા નાણાવટી
પ્રતિભાવો