લતા હિરાણી ~ ઘરનું રિનોવેશન * Lata Hirani
ઘરનું રિનોવેશન ~ લતા હિરાણી
ઘરનું રિનોવેશન થયું.
બધું જ બદલાયું,
પલંગ, સોફા, ટીપોય, ટેબલ, ખુરશી
તપેલીથી ટાઇલ્સ સુધી
એક પછી એક
બદલાયું, બદલાતું રહ્યું.
જૂનું તો ભંગારમાં જ….
કશુંક કશુંક ઉપજયું પણ ખરું !
યાદો, જે એમાં ચોંટી રહી તી
ન જ ઉખડી !
એની સાથે રહ્યો જીવ….. .
નજર, અવાજો, આંસુ
આમતેમ ફંગોળાયાં
કોશિષ કરી પણ
ન જ બદલાયા.
હવે હું સ્થિર, શાંત
મારા સાવ જૂના મનને લઈને.
~ લતા હિરાણી
OP 15.5.22
ડૉ. સિલાસ પટેલિયા
22-05-2022
“ઘરનું રીનોવેશન” વાંચ્યું.. માણ્યું. જેમાં હૈયું રસાયેલું હોય છે, એ કદીય સ્મૃતિશેષ ક્યાં થતું હોય છે! અંતરના અતિ ઊંડા અંતરાલમાં એ ધબકતું રહેતું હોય છે. આ બાબતને ખૂબ સુંદર રીતે આ કાવ્યમાં પ્રગટ કરી છે. લઘુ રચના, પણ ખૂબ માર્મિક. આપને. અભિનંદન.
ડૉ. સિલાસ પટેલિયા. વડોદરા.
આભાર
21-05-2022
આભાર વિવેકભાઈ, છબીલભાઈ, મેવાડાજી, પરેશભાઈ, K Oza, રક્ષાબેન, યશોધરભાઈ, મિત્ર રાઠોડ, યામિની, રીંકું, કાશ્મીરાબેન, હર્ષાબેન, હરેશભાઈ, ગિરિમાબેન, પ્રકાશભાઈ અને લતાબેન નાણાવટી
‘કાવ્યવિશ્વ’ની મુલાકાત લેનારા સૌ મિત્રોનો આભાર.
વિવેક મનહર ટેલર
16-05-2022
સ-રસ રચના!
સાજ મેવાડા
16-05-2022
વાહ, આદરણીય લતાજી. આ અનુભવ કદાચ બધાનો હશે, મારો તો છે જ.
પરેશ પટેલ
15-05-2022
પન્ના નાયકની કવિતામાં જે એકલતાની વાત છે તેવી જ કવિતા.
K Oza
15-05-2022
ખાલીપા ની વેદના સભર એકલતા ને
શબદો માં મઢી ને તમે જોરદાર અનુભૂતિ આપી છે
રક્ષાબેન કાચા
15-05-2022
આબેહૂબ ભાવનાત્મક સંવેદનાઓ આલેખી જાણી છે.અભિનંદન લતાબહેન.
યશોધર રાવલ
15-05-2022
‘ખાલીપો’ સરસ ચિતરાયો છે…!
મિત્ર રાઠોડ
15-05-2022
વાહ
યામિની વ્યાસ
15-05-2022
વાહ ખૂબ સરસ.
રીંકું રાઠોડ
15-05-2022
અદ્ભૂત
કાશ્મીરા ભટ્ટ
15-05-2022
એકલતા ની વાત હ્રદયસ્પર્શી છે
હર્ષા પરીખ
15-05-2022
વાહ રે કેટલી સુંદર અભિવ્યક્તિ..
હરેશ વિંઝુડા
15-05-2022
વાહ…
અમે એકમેકની હૂંફે…
ખૂબ સરસ
ગિરિમા ઘારેખાન
15-05-2022
So touchy! ખૂબ ગમી.
લતા નાણાવટી
15-05-2022
વાહ… પથરાતું ખાલીપણું અને એકલતા કયા ખાનામાં ગોઠવવી?….
પ્રકાશ કુબાવત
15-05-2022
અદ્ભૂત
છબીલભાઈ ત્રિવેદી
15-05-2022
આજનુ આપનુ કાવ્ય ઘર નુ રીનોવેશન ખુબ સરસ રિનોવેશન મન હ્રદય યાદો નુ નથી થઈ શકતુ ખુબ સરસ રચના
પ્રતિભાવો