ઉત્તરાયણ
ઉત્તરાયણની પૂર્વ સંધ્યાએ
પતંગના ભાગ પાડતી માએ
ગુલ્લા, સિતારાવાળી રંગબેરંગી પતંગોનો
ઢગલો કરતાં કહેલું : ‘લે, આ તારો ભાગ’
આજે સમજાય છે મા
તેં
સદીઓ જૂના બંધિયાર રસોડામાં
એક કિશોરીના હાથમાંથી
ચીકીનો ગોળ લઈ લઈ
જીવન આખુંય ભરી દીધું
ગોળની મીઠાશથી
આજે સમજાય છે મા
ત્યારે
તેં
પતંગ નહોતી આપી કેવળ
આપ્યું આખુંય આકાશ
ને દોરી?
દોરી જ ક્યાં હતી
એ તો હતી પાંખ!
~ પન્ના ત્રિવેદી
પતંગ અને દોરીના દોરે સ્ત્રીજીવનનું અદભૂત દર્શન ! અને આ છે આધુનિક યુગની સ્ત્રી !
વાહ, સરસ. પન્નાબેન મજાનું ગીત
આપનું નામ લખશો જી ?
પ્રતીકાત્મક લઘુકાવ્ય સુંદર છે.
નારી સંવેદનાની અનુભૂતિ કરાવતી સરસ રચના. અભિનંદન.
વાહ, મા જ એક સ્ત્રી તરીકે દિકરી ને ઉડવા આકાશ આપે, સરસ અભિવ્યક્તિ.
પ્રતિભાવ પાઠવનારા સહુ મિત્રોનો હૃદયથી આભાર💐
પ્રતિભાવ પાઠવનારા સહુ મિત્રોનો હૃદયથી આભાર💐