હરીશ દાસાણી ~ ડાબી બાજુ ઇચ્છા * Harish Dasani

હું

ડાબી બાજુ ઇચ્છા

જમણી બાજુ ઇશ્વર

વચ્ચે ઊભો  હું.

ઇચ્છા એક બને અનંત.

રમતો રહું તેની સાથે 

જોતો રહે સમય.

પછી જ્યારે

ન રહે સમય.

અને થાકી ગયેલો હું

શોધું જગ્યા-

વિશ્રામ માટે.

ત્યારે ન દેખાય પૃથ્વી.

અને અંધકારમય આકાશમાંથી

પડતો હોઉં ત્યારે

જોઉઁ છું હું

મને ઝીલવા

ઇશ્વરે ફેલાવેલાં વિશાળ બાહુ….. 

~ હરીશ દાસાણી

ઇચ્છાઓના જન્મથી ઈશ્વરના હાથમાં સોંપાઇ જવું ! – સંપૂર્ણ જીવનદર્શન કવિએ વણી લીધું છે.