વિનોદ જોશી ~ ઠેસ વાગી * Vinod Joshi
ઠેસ વાગી ને નખ્ખ નંદવાયો રે, સૈ !
પડ્યા આડા ઊંબર આડી ઓસરી,
છેક છાતીમાં તૈડ પડી સોંસરી;
જડ્યો પડછાયો સાવ ઓરમાયો રે, સૈ !
મેં તો ધબકારો લીંપીને આળખી,
મારાં ભોળાં પારેવડાંની પાલખી;
એક સોનેરી સૂર સંભળાયો રે, સૈ !
હતી સાકરની સાવ હું તો પૂતળી,
દોટ કાઢીને દરિયામાં ઊતરી;
મુંને મારો મુકામ ઓળખાયો રે, સૈ !
~ વિનોદ જોષી
લો આ બીજા ગીતમાં પણ ઉંબરની વાત આવી. વાત પ્રિયતમને મળવાની છે અને એમાં આડું કંઈ પણ આવે, એને ઓળંગવું જ પડે….. તરસની તીવ્રતા…
*****
પ્રતિભાવો