હરીશ ઠક્કર ~ હર વખત
હર વખત જીતી જવાની આ શરત મુશ્કેલ છે,
શ્વાસ સાથે હાથતાળીની રમત મુશ્કેલ છે.
માહ્યલા ! તું છોડી દે એવી મમત મુશ્કેલ છે,
રાખવો રાજી તને આખો વખત મુશ્કેલ છે.
ત્યાં સુધી તો થોભ કે થોડી ઘણી તો કળ વળે,
માફ કરવો છે તને પણ એ તરત મુશ્કેલ છે.
કોઈ સામે આવીને લલકારે તો પહોંચી વળું,
આજીવન દુર્ભાગ્ય સાથેની લડત મુશ્કેલ છે.
– હરીશ ઠક્કર
‘મુશ્કેલ છે’ રદ્દીફ સાથેની સરળ અને મનમાં તરત સ્થાન જમાવી લે એવી ગઝલ.
જીવનમાં કશું મુશ્કેલ નથી એ સુવાક્ય સારું લાગે, ઉપયોગી પણ ખરું ! પણ એ શક્ય છે ખરું ? મોત સામે આવે ત્યારે છટકવું શક્ય છે ? મનને સતત રાજી રાખવું કે જેણે આઘાત પહોંચાડ્યો એને તરત માફ કરી દેવું શક્ય છે ? ‘દિલ દુભવનારને માફ કરતાં થોડી વાર તો લાગે ને !’
દરેક શેર દમદાર પણ આ ત્રીજો શેર વધુ સ્પર્શી ગયો…
7.8.21
***
Vivek Tailor
11-08-2021
ઉત્તમ ગઝલ
આપનો આભાર
08-08-2021
આભાર લલિતભાઈ, સિકંદરભાઈ, છબીલભાઈ, વારિજભાઈ.
‘કાવ્યવિશ્વ’ની મુલાકાત લેનારા સૌ મિત્રોનો આભાર.
લલિત ત્રિવેદી
08-08-2021
વાહ વાહ… સરસ ગઝલ
સિકંદર મુલતાની
07-08-2021
વાહ.. બહોતખૂબ!!
છબીલભાઈ ત્રિવેદી
07-08-2021
આજનુ હરીશ ઠક્કર સાહેબ નુ કાવ્ય ખુબજ સરસ બધા શેર ખુબ સરસ આપે કહ્યું તેમ ત્રિજો શેર કાબીલે દાદ ખુબ ખુબ અભિનંદન આભાર લતાબેન
Varij Luhar
07-08-2021
વાહ વાહ.. એક સારા અભ્યાસુ કવિશ્રી હરીશભાઈ ની સરસ ગઝલ
માણવા મળી
પ્રતિભાવો