હરીશ દાસાણી ~ કેટલાક શેર
હરીશ દાસાણીના કેટલાક શેર
દૃષ્ટા-દૃશ્ય જુદું નથી, જલ ને સ્થલ જુદું નથી
રૂપ – અરૂપ ભ્રામક અનુભવ, અચલ-ચલ જુદું નથી. ***
બે સૂક્ષ્મની વચ્ચે સ્થૂળ, બોલ કહે શું એનું કૂળ ?
નામ અને પરિભાષા શું ? શોધ ક્યું છે એનું મૂળ ? ***
વિશ્વ એક દર્પણ, દર્પણમાં હું રમું
પ્રેમ કરું અર્પણ, સ્વયંમાં હું રમું. ***
અજિત ને અચિંત્ય, પલમાં પલટતું ચિત્ત
સ્વરૂપ સર્જી ક્રાંતિ, હું છું અને નથી. ***
વાયુની માફક વહેતો, તેને જળની કેદ ન કર
મૃણમય ચિન્મય એક જ છે, વ્યર્થ સમજનો મેદ ન કર. ***
ના સંકલ્પો, આ આયોજન, સહજ ગતિમાં સરી
આંખ જુએ છે, પગ ચાલે છે, સૃષ્ટિ હારી-ભરી…. હરિ કરે તે ખરી….***
~ હરીશ દાસાણી
કાવ્યવિશ્વ’ને કવિ હરીશ દાસાણીનો કાવ્યસંગ્રહ ‘‘પવન જળ પાંદડું’ મળ્યો છે. કવિએ આ સંગ્રહમાં ગીત, ગઝલ અને અછાંદસ પણ આપ્યાં છે. ‘કાવ્યવિશ્વ’માં સ્વાગત. આભાર અને શુભેચ્છાઓ.
હરીશ દાસાણી * ‘પવન જળ પાંદડું’ * સ્વયં 2022
OP 21.4.22
છબીલભાઈ ત્રિવેદી
21-04-2022
કવિ હરીશ દાસાણી ના બધાજ શેર ખુબ ગમ્યા ખુબ ખુબ અભિનંદન
પ્રતિભાવો