નરસિંહ મહેતા ~ હળવે હળવે * Narsinh Maheta
હળવે હળવે ~ નરસિંહ મહેતા
હળવે હળવે હળવે હરજી મારે મંદિર આવ્યા રે
મોટે મોટે મોટે મેં તો મોતીડે વધાવ્યા રે.
કીધું કીધું કીધું મુને કાંઈક કામણ કીધું રે;
લીધું લીધું લીધું મારું મન હરીને લીધું રે.
ભૂલી ભૂલી ભૂલી હું તો ઘરનો ધંધો ભૂલી રે;
ફૂલી ફૂલી ફૂલી હું તો હરિમુખ જોઈ ફૂલી રે.
ભાગી ભાગી ભાગી મારા ભવની ભાવટ ભાગી રે;
જાગી જાગી જાગી હું તો હિરને સંગે જાગી રે.
પામી પામી પામી હું તો પૂરણ વરને પામી રે;
મળિયો મળિયો મળિયો મહેતા નરસૈંયાનો સ્વામી રે.
~ નરસિંહ મહેતા
કઈ કાવ્યકલાનો અભ્યાસ હતો નરસિંહ મહેતાને ? બસ ભરપુર ભાવ અને ભાષાની ભૂમિ ! ઊગી નીકળ્યું એક મજાનું ગીત/ભજન.
પ્રતિભાવો