પેઢીથી એક નામ ચાલે છે,
શ્વાસની સાથે રામ ચાલે છે.
એક મનમાં બીજું અયોધ્યામાં,
રામલલ્લાનું કામ ચાલે છે.
વિશ્વ માનવ વિરાટના પગલે,
શ્હેર શેરીને ગામ ચાલે છે.
છોડી દીધું શ્રી રામનાં નામે,
મન ઉપર ક્યાં લગામ ચાલે છે.
હાથમાં ફરતી રામની માળા,
ભીતરે ચારધામ ચાલે છે.
પ્રાર્થના, બંદગી, દુવા કરજો,
મુક્તિ માટે તમામ ચાલે છે.
ભક્તિ રસનો તું જામ પી સાગર,
આજીવન એનો ચામ ચાલે છે.
~ રાકેશ સાગર
જય શ્રી રામ
રાકેશ સાગર,
ડૉ.પરેશ કળસરિયા,
ને
જય શ્રી રામ…
વાહ, ખૂબ સરસ રચનાઓ, જય સીયારામ.
સરસ રચનાઓ
રાકેશભાઈ તથા પરેશભાઈ બન્ને રચના ખુબ સરસ છે 👌🏽👌🏽👌🏽👍🏼👍🏼👍🏼