લતા હિરાણી ~ મોનોઇમેજ કાવ્યો : જળ * Lata Hirani
જળ
આભ નીતરે
આખું અંગ નીચોવીને
હેલે જળ
ગાય અનંતના ગાન !
**
કાંઠે થતાં ક્રિયાકાંડો
કેટલાં બાલિશ !
જોયા કરે
ભવ્ય
અગાધ જળ…
**
આંખોમાં
જળ
ઊગ્યા પછી
આથમે ના
પળ
**
આકાશ
અવિરત જોયા કરે
જળ પર હીંચકતી
હોડીઓને
**
ખેતરને
બાથમાં લઈને ઊડ્યાં
જળભર્યા વાદળ
અને
ક્ષિતિજે ઊગી ગયા
રંગોના ગુલાબ !
~ લતા હિરાણી
**
પ્રકાશિત > સંપાદન : ‘આવી નવી સવાર’ > સપ્ટેમ્બર 2023
સંપાદકો : રમેશ પટેલ, કિશોર આર. ટંડેલ
વાહ લતાબેન ખુબજ સરસ કાવ્ય ખુબ ગમ્યુ
આભાર છબીલભાઈ
ખૂબ જ સરસ, અભિનંદન
આભાર મેવાડાજી
Latabenni રચનાઓ ગમી Dhanyvad
આભાર કીર્તિભાઈ