ઇન્દુલાલ ગાંધી ~ મેંદી તે વાવી * Indulal Gandhi * સ્વરઃ લતા મંગેશકર
મેંદી તે વાવી માળવે
મેંદી તે વાવી માળવે
એનો રંગ ગયો ગુજરાત રે
મેંદી રંગ લાગ્યો રે ! –
નાનો દેરીડો લાડકો
ભાભી, રંગો તમારા હાથ રે
મેંદી રંગ લાગ્યો રે ! –
આંગળીઓ રંગી ને રંગી હથેલી
રંગી બેઠી હું તો મનડુંયે ઘેલી :
કરી પાનીઓ લાલ ગુલાલ રે
મેંદી રંગ લાગ્યો રે ! –
ફાગણને ફુલેકે ખીલ્યો’તો ખાખરો,
એણે કેસૂડાંનો રંગ ધર્યો આકરો !
જાણે મેંદીના હાથનો રૂમાલ રે
મેંદી રંગ લાગ્યો રે ! –
વાયરો જો ઊડીને આવ્યો વૈશાખથી,
કૈંક નવું કામણ કીધું એણે આંખથી :
રંગ્યું કુમકુમથી ભાભીનું ભાલ રે
મેંદી રંગ લાગ્યો રે ! –
– ઇન્દુલાલ ગાંધી
(જન્મ: ૮-૧૨-૧૯૧૧, મૃત્યુ: ૧૦-૦૧-૧૯૮૬) સંગીત: અવિનાશ વ્યાસ
સ્વરઃ લતા મંગેશકર, પિનાકીન શાહ અને કોરસ
ફિલ્મઃ મહેંદી રંગ લાગ્યો (૧૯૬૦)
ખુબજ કર્ણપ્રિય રચના ખુબ ગમી
ખૂબ સરસ ગીત રચના.
આ ગીત સાંભળીને જિંદગી વીતી છે, વારંવાર સાંભળવા છતાં હજી એટલું જ ગમે છે.
સાચું. અને મોટાભાગના લોકોને ખબર નહીં હોય કે આ ગીત ઇંદુલાલ ગાંધીનું છે. એ લોકગીતમાં ગણાઈ ગયું છે.