હરિ પર અમથું અમથું હેત,
હું અંગૂઠા જેવડી ને મારી વ્હાલપ બબ્બે વેંત.
અમથી અમથી પૂજા કરું ને અમથા રાખું વ્રત,
અમથી અમથી મંગળ ગાઉં, લખું અમસ્તો ખત;
અંગે અંગે અમથી અમથી અગન લપેટો લેત,
હરિ પર અમથું અમથું હેત.
અમથું અમથું બધું થતું તે તને ગમે કે નઈં?’
એમ હરિએ પૂછ્યું ત્યારે બહુ વિમાસણ થઈ;
કોઈ બીજું પૂછત તો એને ઝટપટ ના કહી દેત,
હરિ પર અમથું અમથું હેત.
~ રમેશ પારેખ
કાવ્ય ~ રમેશ પારેખ * સ્વર નિધિ ધોળકિયા * સ્વરાંકન ~ સુરેશ જોશી
ખૂબ જ સુંદર ગીત.
કાયમ મનમંદિરમાં ગુંજારવ થતો રહે એવું મીઠું હેતાળ ગીત