નર્મદ ~ ગરવી ગુજરાત * Narmad
જય જય ગરવી ગુજરાત !
જય જય ગરવી ગુજરાત,
દીપે અરૂણું પરભાત,
જય જય ગરવી ગુજરાત
ધ્વજ પ્રકાશશે ઝળળળળ કસુંબી, પ્રેમશૌર્યઅંકીત;
તું ભણવ ભણવ નિજ સંતતિ સઉને, પ્રેમ ભક્તિની રીત –
ઊંચી તુજ સુંદર જાત, જય જય ગરવી ગુજરાત……
ઉત્તરમાં અંબા માત, પૂરવમાં કાળી માત,
છે દક્ષિણ દિશમાં કરંત રક્ષા, કુંતેશ્વર મહાદેવ;
ને સોમનાથ ને દ્ધારકેશ એ, પશ્વિમ કેરા દેવ-
છે સહાયમાં સાક્ષાત, જય જય ગરવી ગુજરાત………
નદી તાપી નર્મદા જોય, મહી ને બીજી પણ જોય.
વળી જોય સુભટના જુદ્ધરમણને, રત્નાકર સાગર;
પર્વત પરથી વીર પૂર્વજો, દે આશિષ જયકર-
સંપે સોયે સઉ જાત, જય જય ગરવી ગુજરાત………..
તે અણહિલવાડના રંગ, તે સિદ્ધ્રરાજ જયસિંગ.
તે રંગથકી પણ અધિક સરસ રંગ, થશે સત્વરે માત !
શુભ શકુન દીસે મધ્યાહ્ન શોભશે, વીતી ગઈ છે રાત-
જન ઘૂમે નર્મદા સાથ, જય જય ગરવી ગુજરાત…….
– કવિ નર્મદ
કવિ નર્મદના આ ગીત વગર ગુજરાત અને ગુજરાતી ભાષા અધૂરાં છે.
24.8.21
સાંભળો આ ગીત
*****
આભાર આપનો
27-08-2021
આભાર વિવેકભાઈ, છબીલભાઈ, વારિજભાઈ, મયૂરભાઈ અને મેવાડાજી..
આરતીબેન, હિતેશભાઈ આભાર…
કાવ્યવિશ્વની મુલાકાત લેનાર સૌનો આભાર.
Vivek Tailor
25-08-2021
સદાબહાર રચના…
છબીલભાઈ ત્રિવેદી
24-08-2021
આજે વીર નર્મદ ની જન્મજયંતી તેમનુ કાવ્ય જય જય ગરવી ગુજરાત ખુબજ સમયોચિત. આ મહાન કવિશ્રીને પ્રણામ આભાર લતાબેન
Varij Luhar
24-08-2021
જય જય ગરવી ગુજરાત..જય ગુર્જરી
ડો. પુરુષોત્તમ મેવાડા, સાજ
24-08-2021
આ નર્દના ગીત જેવું મળવું મુશ્કેલ છે. અને ગાયન ફણ રુવાડાં ઉભાં કરી દે છે.
મયૂર કોલડિયા
24-08-2021
અમર રચના….
પ્રતિભાવો