મારા રે ગુરુએ ~ રમેશ પારેખ
મારા રે ગુરુએ મારો ડૂમો દળી નાખ્યો
કડવો અજંપો મારો કરુણાથી ચાખ્યો…….
લઘરવઘર મારી લાગણી પંપાળી
સતની કાંડીથી સંધી શંકા નાખી બાળી
આસ્થાને માંજી માંજી કીધી ઉજમાળી
મારા અંધાપામાં રૂડી ઉગાડી રે આંખ્યો
મંદવાડ મારા માંહ્યલાનો હરી લીધો
લાહ્યના લતાડ કેરો લોપ કરી દીધો
સુધની સાહેબી સોંપી ન્યાલ ન્યાલ કીધો
શૂનનો શ્રીકાર મારી બાંહ્ય સાખી દાખ્યો.
~ રમેશ પારેખ
કાવ્ય : રમેશ પારેખ * સ્વરકાર અને સ્વર : અમર ભટ્ટ
વાહ… વાહ…
દાસી જીવણનું પદ તો જાણીતું હતું પણ ર.પાની કૃતિ પહેલીવાર માણવા પામ્યો… બંને રચનાઓ નખશિખ સુંદર…
આનંદ આનંદ
આધ્યાત્મિક વાતો અને ત્યાં મારો નવો ટૂંકો પડે, છતાં આ બંને કાવ્ય/ગીતો ખૂબ જ ગમ્યાં.