એક મણિબહેન થઇ ગયાં મેરી
એક હરિભાઇ જે થયા હેરી
પ્યોર ઇંગ્લીશમાં કહો જંકી
શુદ્ધ ગુજરાતીમાં છે ગંજેરી
અહીંયા ચાલે છે ફક્ત ગીવ & ટેઇક
શહેર તારું છે કેશ & કેરી
ગુજરાતીમાં હું જ્યારે વાત કરું
ત્યારે થઇ જાય તું મુંગી બહેરી
આ મુલક રોજ કાનમાં કહે છે
ઇટ ડ્રીંક & બી મેરી
ખટમીઠો ટેસ્ટ હવે ક્યાં છે અદમ
બોર જેવું અહીં નથી બેરી
~ અદમ ટંકારવી
હળવી શૈલીની રમતિયાળ રચનાઓ
ગુજલીસ કવિતા વાંચવાની મજા પડી. સાથે સાથે એક મર્માળુ વ્યંગ પણ એમાં છે.અભિનંદન.
રમતિયાળ શૈલી માં મજાની રચનાઓ