વહેલી સવારે બાગમાં ડોકાય છે પવન
ખુશ્બુની રોજ ચોરી કરી જાય છે પવન
ડોલી ઊઠે છે મસ્તીમાં આવી તમામ બાગ
સાકી બનીને જ્યારે સુરા પાય છે પવન
બીજી તો કોઈ રીતથી જોઈ નહીં શકો
દૃષ્ટિ વિકાસ પામે તો દેખાય છે પવન
એ વાત જુદી છે કે તમે સાંભળ્યા નથી
નહીંતર રસીલાં ગીત સતત ગાય છે પવન
~ આદિલ મન્સુરી
પવનને રદિફ કરીને કહેલી આદિલજીની આ મુસલસલ ગઝલ ખૂબ જ સરસ છે.
પવન રદિફ બનાવીને ઉત્તમ ગઝલનું સર્જન કર્યું સરસ ગઝલ મુકવા બદલ લતાબેન આપનો ખૂબ ખૂબ આભાર