પ્રફુલ્લ પંડ્યા ~ ચંદુ તો * Prafull Pandya

ચંદુ તો

ચંદુ તો એક લાંબા લયનું ગીત
જિન્સ જંકશન ઉપર એનું વાગ્યાં કરે સંગીત !

ખૂબ નજીકથી હ્રદય રમાડે, કરે શબ્દોનાં ખેલ !
અર્થનું નકશીકામ કરે ને લયનું કાઢે તેલ !
સડસડાટ એ રજૂ કરે એની છાપ થઈ જાય અંકિત !
ચંદુ તો એક લાંબા લયનું ગીત !

એક શ્વાસમાં કવિતા રાખે,એક શ્વાસમાં નાટક ,
કલમ તો એની પૂરબહારમાં, ખોલે દિલના ફાટક!
નવાં નવાં નાટકની વચ્ચે સદા શબ્દની પ્રીત !
ચંદુ તો એક લાંબા લયનું ગીત !

~ પ્રફુલ્લ પંડ્યા

(પ્રિય અને નિકટતમ મિત્ર કવિ – નાટયકાર ચંદ્રકાંત શાહ ઉર્ફે વ્હાલાં ચંદુની આક્સ્મિક અને અને અત્યંત આધાતજનક વિદાય નિમિત્તે કાવ્યાંજલિ )

( ૪/૧૧/૨૦૨૩ )