નથી આવતું
એકવાર મન સાવ ખાલી થઈ જાય પછી
મનમાં પણ કંઈ નથી આવતું !
એકવાર જંગલમાં નાચે છે મોર પછી
મોરમાં પણ મોરપણું મોરમાં બેસીને નથી નાચતું !
જેમ મોરમાંથી મોરપણું છૂટું પડે છે એમ
આપણે પણ આપણાંથી છૂટાં !
છૂટાં પડેલાં હાથ પગને પૂછે છે કેમ
ફરકયાં નહીં આપણાં અંગૂઠા ?
ટેરવાં પણ ધ્રૂજારી ગૂમાવી બેસે ત્યારે
ટકોરા જેવું યે નથી આવતું !
આમ તો આ આપણને દૂરથી જોવાનાં,
જુઓ આપણાપણું ત્યાં ચાલ્યું જાય છે !
જ્યારે પણ જાતના બે ટૂકડા થઈ જાય છે,
જુદી જુદી દિશામાં એ જાય છે !
જાતમાંથી જુદી થયેલી બીજી જાત ઊંડો કૂવો પૂરે
તો પછી કોઈ નથી એને બચાવતું !
~ પ્રફુલ્લ પંડ્યા
કવિનો આજે જન્મદિન અને એમની એકદમ તાજી જ રચનાઓ માણો…
જુગ જુગ જિયો કવિ !
વાહ ગીત કવિ….. પ્રફુલ્લ પંડ્યા.
ગીતમાં આવા નોખા વિષયને ઉતારવો અઘરઓ જે કવિ કરી શક્યા છે. અભિનંદન.
બંને ગીત અને જન્મદિન વિશેષ ખૂબ સરસ રીતે મૂક્યું છે અને તમારી મૂલ્યસભર કોમેન્ટ સાથે !
હાર્દિક આભાર. લતાબેન
પ્રફુલ્લ પંડ્યા
મારો આનંદ છે પ્રફુલ્લભાઈ
ખૂબ જ સુંદર ગીતો
મિત્ર પ્રફુલ્લ ભાઈની વાત કરવી એટલે એમની અનોખી રચનાઓ ને માણવી, એમને પારખવા એટલે કાવ્યના અવનવા રંગ માણવા. ખૂબ શુભેચ્છાઓ એમના જન્મ દિવસે.