ઉશનસ્ ~ સદા રાત્રે જ્યાં હું
સદા રાત્રે જ્યાં હું ~ ઉશનસ્
સદા રાત્રે જ્યાં હું બીડું છું ઘરનાં દ્વાર, થતું કે
રહી જાઉં થોડો ખુદ હું ઘરની બ્હાર અચૂકે;
કરી નક્કી જ્યાં હું પથ અમુક કે એક ગ્રહું છું;
અરે, ના લીધો તે પથ પછી ન કેડો મુજ મૂકે;
કર્યાં કોણે આવાં મુજ અખિલનાં બે અડધિયાં ?
અને એ બે વચ્ચે કુણ થઈ વળી આડશ ઝૂકે ?
છૂટાં તત્ત્વો ભેગાં કરી જ બનું છું એકમ, છતાં
વિભાજ્યા અંશે શી અણુ અણુ અખિલાઈ ઝબૂકે !
તૂટ્યો, કિન્તુ છૂટ્ટા કણ કણ મહી દર્દ દૂઝતું
અખિલાઈનું, તે ઉશનસ્, કરી રુઝાય ખરું કે ?
~ ઉશનસ્
શિખરણી છંદમાં લખાયેલી એક ઉત્તમ કવિની ઉતમ ગઝલ
કવિના જન્મદિને સ્મૃતિવંદના
OP 28.9.22
છબીલભાઈ ત્રિવેદી
28-09-2022
સરસ મજાની ગઝલ બધા શેર હ્રદય સ્પર્શી આભાર લતાબેન
ઉમેશ જોષી
28-09-2022
સદા રાત્રે જયાં હું..
આ ગઝલના દરેક શેર મનને સ્પર્શી જાય છે.
ઉમદા ગઝલ છે.
કવિ ઉશનસ્ જીને સ્મરણ વંદના.
Gurudatt
28-09-2022
પ્રિય છંદ.. ઉત્તમ રચના.. વાહ..
પ્રતિભાવો