પૌલોમી શાહ ~ કવિતા
ક્યારેક એ
શરમાતી નવોઢાની જેમ
એનો પાલવ સંકોરતી
દૂરના તળાવની પાસે બેસી રહે છે
કલાકો સુધી.
એને પૂછીએ તો કહે છે
‘હમણાં જ વિવેચન સાથે ઝઘડો કરીને આવી છું.’
નવ ભાગ હૃદયમાં ડૂબેલા હોય
અને એક ભાગ બહાર હોય એવી
હિમશીલા છે એ
અત્યારે એ મને જોજનો દૂરથી મળવા આવી છે
લો આજે વળી એની હથેળી પર હડપચી ટેકવીને બેસી ગઈ છે
કહે છે
ભાષા સાથે ઝઘડો કરીને આવી છું
કેમ કરી સમજાવવી
આને, રમતિયાળને?
~ પૌલોમી શાહ
કવિતા સાથે કવયિત્રીનો સરસ મજાનો સંવાદ
કવિતા સાથે કવયિત્રીનો મજાનો સંવાદ.અભિનંદન.
સરસ સંવાદ ખુબ ગમી અભિનંદન
વાહ, અદ્ભૂત કવિતા વિચાર.
વાહ! અવતરતી કવિતા સાથે સંવાદ! સરસ છે. અભિનંદન.
મસ્ત રચના